ရုပ်ရှင်အစည်းအရုံးဥက္ကဋ္ဌအဖြစ်ပြန်လည်ရွေးချယ်ခံရတဲ့ “ဇင်ဝိုင်း”

Tuesday, September 26, 2017

မြန်မာနိုင်ငံရုပ်ရှင်အစည်းအရုံးအတွက် သုံးနှစ်ကြာတာဝန်ယူဆောင်ရွက်ရန် အမှုဆောင်အသစ်ရွေးချယ်ပွဲ၊ အပြီးသတ်ရွေးချယ်ပွဲကို စက်တင်ဘာလ ၂၆ရက် (ယနေ့) ပြုလုပ်ခဲ့ပြီး မြန်မာနိုင်ငံရုပ်ရှင်အစည်းအရုံး ဥက္ကဋ္ဌအဖြစ် သရုပ်ဆောင်ဇင်ဝိုင်းက ဒုတိယအကြိမ် ပြန်လည်ရွေးချယ်ခံခဲ့ရကြောင်း သိရသည်။

ရွေးချယ်ခံရမှုနဲ့ပတ်သက်ပြီး သရုပ်ဆောင်ဇင်ဝိုင်းက “လောကသားတွေ ကျွန်တော့်ကို ယုံကြည်ပြီး ထပ်မံတာဝန်ပေးအတွက်ကျေနပ်ပါတယ်။ လောကသားတွေရဲ့ မေတ္တာတရားကို ကြည်ကြည်နူးနူးခံယူပါတယ်။ ပထမအကြိမ်တာဝန်ယူစဉ်က ဒီလောကစတင်တည်ဆောက်ဆဲဖြစ်လို့ အလွန်ကိုတိုက်ပွဲတွေ၊ ပဋိပက္ခတွေ အလွန်များပြားခဲ့ရပါတယ်။

အခုချိန်မှာတော့ နည်းနည်းအသားကျလာပြီလို့ ဆိုရမှာဖြစ်ပါတယ်။ ကျွန်တော်ကိုယ်တိုင်လည်း အသက်အရွယ်အရရော၊ အတွေ့အကြုံအရရော နည်းနည်း ပိုပြီးရင့်ကျက်လာပြီဖြစ်ပါတယ်။ ဒီအတွက် အရင်ကထက်ပိုပြီး တည်တည်ငြိမ်ငြိမ်နဲ့ တာဝန်ထမ်းဆောင်နိုင်ဖို့မျှော်လင့်ပါတယ်”လို့ ပြောပြခဲ့ပါတယ်။