အတ္တတို့ဖြင့် ချည်နှောင်သောချစ်ခြင်း

ချစ်သူကောင်မလေး တစ်ခြားကောင်လေးနဲ့ တစ်ရောတစ်နှော စကားပြောနေရင် အူနုကျွဲခတ် ဒေါသတွေ အလိပ်လိုက် အလိပ်လိုက်တက်ခဲ့ရတဲ့ ခံစားချက်ကိုစာဖတ်သူ ကြုံဖူးပါသလား?

အချစ်မှာ သ၀န်တိုမှုဆိုတာ ဒွန်တွဲပါလာတတ်တာဓမ္မတာပါပဲ။ ဒါပေမယ့် ဒီသ၀န်တိုမှုဟာ ဒီဂရီအတိုင်းအတာတစ်ခု၊ ဘောင်တစ်ခုကို ကျော်လွန်သွားပြီး ကိုယ်ပိုင်ပစ္စည်းသဖွယ် မှတ်ယူလိုက်တဲ့အခါ အချစ်ကိုအခြေမခံတော့ဘဲ အတ္တနဲ့ ချည်နှောင်တဲ့ ဆက်ဆံရေးအသွင် ပြောင်းသွားပါတယ်။

ဒီလိုအတ္တကို အခြေခံတဲ့ ပိုင်ဆိုင်လိုစိတ် ပြင်းထန်တဲ့ တစ်ချို့လူတွေက သူတို့ ချစ်သူကောင်မလေးကို တစ်ခြားကောင်လေးနဲ့ စကားမပြောရ  ဘူး၊ အပေါင်းအသင်း မလုပ်ရဘူးလို့ ၀ုန်းဒိုင်းကျဲတားမြစ်ချုပ်ချယ်ထားတတ်ကြသလို တစ်ချို့ကြတော့လည်း ကိုယ့်ရဲ့ သ၀န်တိုမနာလိုစိတ်လေးကို မကြိုက်ဘူးဆိုတဲ့ အသေးစား ပြသမှုလေးနဲ့ပဲ သိသာစေပါတယ်။

ဘယ်လိုအနေအထားမှာပဲ ဖြစ်ပါစေ။ ဒီလိုပိုင်ဆိုင်လိုစိတ် ပြင်းထန်မှုဆိုတဲ့အချက်ဟာ “ချစ်လွန်းလို့။ အဆုံးရှုံးမခံနိုင်လို့ပါ” ဆိုတဲ့ ချိုမြိန်တဲ့အကြောင်းပြချက် ဖြစ်ကောင်းဖြစ်နိုင်ပေမယ့်လည်း ရေရှည်မှာ ချစ်သူရည်းစား နှစ်ဦးအတွက် ပျော်ရွှင်ကျန်းမာတဲ့ ဆက်ဆံရေးရဲ့ လက္ခဏာအသွင် မဟုတ်ဘဲ ခါးသက်တဲ့ အရသာကိုသာ ပေးစွမ်းပါတယ်။ ဘာကြောင့် ဒီလိုဖြစ်ရတာပါလည်း။

လေးစားမှု မရှိခြင်း
ပိုင်ဆိုင်လိုစိတ် ပြင်းထန်တဲ့ ဆက်ဆံရေးရဲ့ နောက်ကွယ်က အရင်းအမြစ်ကို အဖြေရှာကြည့်လိုက်တော့ ချစ်သူအပေါ် လေးစားမှုမရှိခြင်းဆိုတဲ့ လက္ခဏာတစ်ရပ်ကိုတွေ့ရပါတယ်။ ဒီလိုလူတွေရဲ့ လုပ်ရပ်ဟာ ကိုယ့်ချစ်သူကိုကိုယ့်ကိုကိုယ် ယုံကြည်မှုရှိသူတစ်ဦး၊ မိမိကိုယ်ကိုထိန်းချုပ်နိုင်သူတစ်ဦးဆိုတဲ့ ယုံကြည်ချက်တွေ ပျောက်သွားအောင် ရိုက်ချိုးနေခြင်းဆိုတာ သတိပြုသင့်ပါတယ်။ 

နောက်ပြီးအဲဒီလိုလူမျိုးတွေဟာ ကိုယ့်ချစ်သူရဲ့ အလုပ်အကိုင်၊ ပညာရပ်ဆိုင်ရာ ရွေးချယ်မှုတွေက အစ လေးစားမှု မရှိတတ်တာတွေ့ရပါတယ်။

မနာလိုခြင်း
ပိုင်ဆိုင်လိုစိတ် ပြင်းထန်သူတွေဟာ သူတို့ချစ်သူအပေါ်ဝန်တိုမှုကို မကြာခဏ ပြသတတ်ပါတယ်။ သူငယ်ချင်း၊ မိသားစု၊ လုပ်ဖော်ကိုင်ဖက်တွေနဲ့ သွားလာတဲ့အခါမှာ သူ့အနေနဲ့ စိတ်ဆိုးခြင်း၊ စိတ်ကသိကအောင့် ဖြစ်ခြင်းစတဲ့ လဏ္ခဏာတွေ ပြတတ်ပါတယ်။ အဆိုးရွားဆုံးအနေနဲ့ သူကလွဲပြီး ဒီလူတွေနဲ့ မဆက်ဆံအောင် ဆက်ဆံရေးတွေကို ပြတ်တောက်အောင် ကိုယ့်ချစ်သူအပေါ် ကြိုးစားခြင်းအားထုတ်ခြင်းပါပဲ။

ကြိုးကိုင်ခြယ်လှယ်ခြင်း
ဒီလိုလူမျိုးတွေက သူတို့ပြောစကားအတိုင်းမလုပ်ဘူးဆိုင်ရင် ချစ်သူကိုထားသွားမယ် စသဖြင့် ခြိမ်းခြောက်တတ်သလို တစ်ချို့အချိန်တွေမှာတော့ မိမိကိုယ်ကိုဒဏ်ရာအနာတရဖြစ်အောင် ပြုမှုပြခြင်း၊ မိမိကိုယ်ကိုပျက်စီးစေသည့် အပြုအမူတို့ဖြင့် ချစ်သူကို ကြိုးကိုင်တတ်ပါတယ်။ ဒါတွေရဲ့ အကြောင်းပြချက်က သူကလွဲပြီး တစ်ခြားသူတွေနဲ့ ပေါင်းသင်းတာကို မကြိုက်ပဲ ကိုယ့်ရဲ့အချိန်တိုင်းကို သူနဲ့အတူသာ ရှိနေစေလိုတဲ့အတွက်ကြောင့်ပါ။

“အချစ်ကြီးလွန်းလို့ပါ” လို့ လှပတဲ့ ခေါင်းစဉ်တွေ တတ်ပေမယ့်လည်း ဒီလိုအချစ်မျိုးက ရေရှည်အတွက် မကောင်းပါဘူး။ ကိုယ့်ကိုချစ်မိတဲ့ ချစ်သူအပေါ် သွယ်ဝိုက်သော နည်းဖြင့် အနိုင်ကျင့်ခြင်းပါပဲ။ အနိုင်ကျင့်တာကို နှစ်သိမ့်လက်ခံတဲ့ ချစ်သူကို စိတ်ရောကိုယ်ရောယုံကြည်မှု အပြည့်ရှိနေတဲ့ လူတစ်ဦးအဖြစ် မဟုတ်စေဘဲ အရာရာကိုသံသယ၊ အားငယ်စိတ်၊ သူများစိတ်ဆိုးသွားမလား၊ ထပ်ရန်ဖြစ်ကြရဦးမလားစသဖြင့် လွတ်လပ်မှုကို မျှော်လင့်နေရသူတစ်ဦးသကဲ့သို့ သို့လော သို့လောနဲ့ ရှင်သန်နေရသူတစ်ဦး ဖြစ်စေပါတယ်။ နှစ်ဦးသားဆက်ဆံရေးအတွက် အဆိပ်အတောက်တွေကို ပျိုးထောင်နေသလိုပါပဲ။ အဲလိုမဖြစ်အောင် ချစ်သူအပေါ် ပိုင်ဆိုင်လိုစိတ် ပြင်းထန်မှုကို ဘယ်လိုလျှော့ချနိုင်ပါသလဲ။

စိတ်အနားယူပါ
ချစ်သူကောင်မလေး မိတ်ဆွေအသိကောင်လေးနဲ့ လမ်းမှာတွေ့ပြီး ရယ်ရယ်မောမောစကားပြောတာမကြိုက်လို့ ဒေါသထွက်မိတော့မယ့် အချိန်မှာ မိမိကိုယ်ကိုသတိပေးပါ၊ မိမိဘာကြောင့်  မနာလို ဖြစ်နေရတာလည်း။ သူ့ချစ်သူဟာ အရွယ်ရောက်ပြီးသား အမျိုးသမီး၊ မိမိကိုယ်ကို ထိန်းချုပ်နိုင်သူ ဖြစ်နေရဲ့သားနဲ့ ဒီလိုဖြစ်ခြင်းဟာ ချစ်သူအပေါ် မကောင်းတဲ့ သက်ရောက်မှုကိုသာ ဖြစ်စေတယ်လို့ သတိချပ်ပြီး အသက်ပြင်းပြင်းရှုပါ။

အတော်အသင့် မိမိခံစားချက်ကိုဖော်ပြပါ
ကိုယ့်စိတ်ထဲချစ်သူ ဒီလိုရယ်ရယ်မောမော သူစိမ်းကောင်လေးနဲ့ ပြောတာဟာ အနည်းငယ် မနာလိုမှု ဖြစ်စေတယ်ဆိုတာကို ပြောပြနိုင်ပါတယ်။ ဒါပေမယ့် တည်ငြိမ်ပြီး ရင့်ကျက်တဲ့ နည်းလမ်းနဲ့ပါ။

နှစ်ဦးသားပွင့်လင်းတဲ့ ဆက်ဆံရေးကို တည်ဆောက်ပါ
ကိုယ့်ချစ်သူက သူ့လုပ်ဖော်ကိုင်ဖက်တွေအကြောင်း ပြောလာရင် နားစိုက်ထောင်ပေးပါ။  ဒီလိုဆိုတော့ ကိုယ့်ချစ်သူက ဘယ်သူနဲ့ အလုပ်တွဲ လုပ်နေရတာလည်း၊ ဘယ်လိုဆက်ဆံရေးမျိုးရှိသလဲဆိုတာ ကိုယ်တိုင်သိနေရင် မလိုလားအပ်တဲ့ စိုးရိမ်စိတ်တွေ ဖယ်ရှားနိုင်ပါတယ်။ ကိုယ်က ဟိုလူနဲ့ သ၀န်တို ဒီလူနဲ့ သ၀န်တိုဆိုရင် ချစ်သူကလည်း သူအကြောင်းတွေကို စိတ်ဝင်တစားမျှဝေမှာ မဟုတ်တော့ပါဘူး။

ချစ်သူကိုလေးစားပါ
ချစ်သူကို တစ်လေးတစ်စားပြောဆိုပါ။ အော်ခြင်း၊ ဆူပူခြင်းစသဖြင့် မလုပ်သင့်သလို ချစ်သူရဲ့ ကိုယ်ပိုင်လွတ်လပ်ခွင့်ကို လေးစားပါ။ ဥပမာ- ခွင့်ပြုချက်မရဘဲအီးမေး၊ ဖုန်းမက်ဆေ့ချိဖတ်ခြင်း။

မိမိကိုယ်ကိုယုံကြည်ပါ
ဒီလိုပိုင်ဆိုင်လိုစိတ် ပြင်းထန်တဲ့ သူတွေ ဘာကြောင့် ဒီလိုသ၀န်တိုရသလည်းဆိုရင် သူတို့ကိုယ်တိုင် စိတ်မလုံခြုံမှု ဖြစ်နေလို့ပါ။ ငါဟာ သူ့လောက် ရုပ်မချောဘူး၊ စာမတော်ဘူး၊ ရာထူးမကြီးဘူး၊ မချမ်းသာဘူးစသဖြင့် သူများနဲ့ နှိုင်းပြီး 
စိတ်မလုံခြုံဖြစ်နေခြင်းကြောင့်ပါ။ ဒီအခါမှာ ကိုယ့်ရဲ့ ကောင်းကွက် အားသာချက်တွေကို ချရေးကြည့်ပါ။ ချစ်သူကိုကိုယ့်လောက် ဘယ်သူမှ ဂရုမစိုက်နိုင်ဘူး။ အချစ်ကြီးသူဖြစ်သလို ဂရုစိုက်တတ်သူ၊ အသေးစိတ်ကအစ အလေးထားတတ်သူ၊ ချစ်သူကို ရယ်မောစေသူစသဖြင့် မိမိကောင်းကွက်တွေကို ရှာဖွေကြည့်ပြီး ယုံကြည်မှုရှိသူတစ်ဦးအဖြစ် တည်ဆောက်ပါ။

သဲဦးငယ်ဘာသာပြန်သည်