လေဆာနဲ့ ပါဝါဖျောက်ခြင်း (သို့) LASIK

    အမြင်အာရုံချို့ယွင်းမှု ပြဿနာ။ အဆိုပါ အမြင်အာရုံ ချို့ယွင်းမှုပြဿနာ အမျိုးမျိုးရှိတဲ့ အနက် အတွေ့များ၊ အဖြစ်များတာက  အဝေးမှုန် (Myopia)၊ အနီးမှုန်(Hyperopia)၊ ဆလင်ဒါ (Astigmatism) စတဲ့  အမြင်အာရုံပိုင်းဆိုင်ရာ ချို့
ယွင်းမှုတွေဖြစ်ပြီး ပါဝါလိုအပ်လာပြီဆိုရင်  မျက်မှန် (သို့မဟုတ်)  မျက်ကပ်မှန်များတပ်ဆင်ပြီး ကြည် လင်တဲ့ အမြင်အာရုံပြန်လည်ရရှိအောင်  လုပ် ဆောင်နိုင်ပါတယ်။  ဒါ့အပြင် အမြင်အာရုံချို့ယွင်း မှုကို ပြန်လည်ပြင်ဆင်နိုင်ဖို့ သင်နောက်ထပ် ရွေး ချယ်နိုင်မယ့် နည်းလမ်းတစ်ခုလည်း ရှိနေပါသေး တယ်။ LASIK (laser-assisted in situ keratomi-leusis)၊ တစ်နည်းအားဖြင့် လေဆာနဲ့ အမြင်အာရုံ ပြန်လည်ပြုပြင်ခြင်း နည်းလမ်းပဲဖြစ်ပါတယ်။ အဝေးမှုန်၊ အနီးမှုန်၊ ဆလင်ဒါပါဝါ အစရှိတဲ့ အမြင်အာရုံချို့ယွင်းမှုကို ပြန်လည်ပြင်ဆင်ဖို့ မျက် မှန်၊ မျက်ကပ်မှန်၊ လေဆာဖြင့် အမြင်အာရုံပြု ပြင်ခြင်း စတဲ့ နည်းလမ်းများရှိတဲ့အနက် လက်ရှိ မြန်မာနိုင်ငံမှာလည်းကုသလို့ ရနိုင်ပြီဖြစ်တဲ့ LASIK အကြောင်းကို ဖော်ပြပေးချင်ပါတယ်။
    LASIK Eye Surgery တစ်နည်းအားဖြင့် လေဆာနဲ့ ပါဝါဖျောက်ခြင်းဆိုတာက မျက်ကြည် လွှာမှာရှိတဲ့ တစ်သျှူးကို  လေဆာရောင်ခြည် အသုံး ပြုကာ ဖယ်ထုတ်ပြီး ကြည်လင်တဲ့ အမြင်အာရုံ ပြန်လည်ရရှိအောင် မျက်ကြည်လွှာကို ပြန်လည်
ပုံသွင်းခြင်း ဖြစ်ပါတယ်။ မျက်ကြည်လွှာရှိ တစ်သျှူး များကို ဖယ်ထုတ်တယ်ဆိုရာမှာလည်း လိုအပ်သ လောက် အလွန်တိကျတဲ့ ပမာဏအနည်းငယ် ကိုသာ ဖယ်ထုတ်မှာဖြစ်ပါတယ်။ LASIK နည်းနဲ့ ကုသတဲ့အခါမှာ မျက်လုံးနှစ်ဖက်လုံးကို တစ်ရက် တည်းမှာပဲ ပြုပြင်ကုသမှု ပြုလုပ်နိုင်ပါတယ်။

ဘယ်သူတွေ ပြုလုပ်နိုင်ပါသလဲ
    အထက်မှာ ဖော်ပြထားခဲ့ပြီးသလိုပါပဲ။ အဝေးမှုန် (Myopia)၊ အနီးမှုန်(Hyperopia)၊ ဆလင်ဒါ (Astigmatism) စတဲ့  အမြင်အာရုံပိုင်း ဆိုင်ရာ ပြဿနာရှိနေသူတွေ၊ မိမိကိုယ်တိုင် ဆန္ဒ ရှိမယ်ဆိုရင် LASIK နည်းနဲ့ ကုသမှုခံယူနိုင်ပါ
တယ်။
    LASIK နည်းနဲ့ ကုသမှုခံယူမယ်ဆိုရင် အသက် (၁၈)နှစ်ပြည့်ပြီးသူ ဖြစ်ရပါမယ်။ မျက်စိ ပါဝါတည်ငြိမ်တဲ့သူ ဖြစ်ရပါမယ်။ မျက်လုံးနဲ့ ပတ်သက်တဲ့ ရောဂါတစ်စုံတရာ မရှိသူဖြစ်ရပါ မယ်။ အရေးကြီးဆုံးကတော့ Pretest (အကြိုစစ်
ဆေးမှု)တွေ အောင်မြင်ပြီး LASIK ပြုလုပ်နိုင် ကြောင်း  မျက်စိအထူးကုဆရာဝန်ရဲ့ ခွင့်ပြုချက် ရရှိမှသာ ကုသမှုခံယူနိုင်မှာဖြစ်ပါတယ်။
    ကိုယ်ဝန်ဆောင်တွေ၊ နို့တိုက်မိခင်တွေ၊ မျက် ကြည်လွှာ ပါးနေသူတွေ၊ မျက်ကြည်လွှာမှာ ရောဂါ ရှိနေသူတွေ၊ အတွင်းတိမ်၊ ရေတိမ်ရှိနေသူတွေ၊ မျက်လုံးအနောက်ပိုင်းက အာရုံကြော ပျက်စီးနေ သူတွေ စတဲ့ အခြေအနေရှိသူတွေ ကိုတော့ လေဆာ နဲ့ ပါဝါဖျောက်တာကို ခွင့်မပြုဘူးလို့ သိရပါတယ်။

နောက်ဆက်တွဲ အခြေအနေတစ်ချို့
    အခြားခြားသော ကုသမှုများစွာလိုပါပဲ။ LASIK မှာလည်း ဖြစ်ကောင်းဖြစ်လာနိုင်မယ့် နောက် ဆက်တွဲ အခြေအနေတစ်ချို့ရှိပါတယ်။
    Undercorrections : လေဆာရောင်ခြည်နဲ့ မျက်လုံးမှ တစ်သျှူးကို ဖယ်ထုတ်စဉ်မှာ ဖယ်ထုတ် ရမယ့် တစ်သျှူးအကုန်မဟုတ်ဘဲ ပမာဏအနည်း ငယ်ကျန်ခဲ့တဲ့ အခြေအနေမျိုးကို Undercorrections လို့ သတ်မှတ်ပါတယ်။ (များသောအားဖြင့် အဝေးပါဝါရှိသူတွေမှာ ဖြစ်လေ့ရှိတယ်လို့ မှတ် တမ်းတွေ အရသိရပါတယ်။) Undercorrections ဖြစ်တဲ့အခါမှာ သတ်မှတ်ထားတဲ့ ရလဒ်အတိုင်း အတိအကျမထွက်လာဘဲ ပါဝါအနည်းငယ် ကျန်ရှိ တာမျိုး ဖြစ်နိုင်ပါတယ်။ တိကျတဲ့ရလဒ်၊ ပိုမိုကောင်း မွန်တဲ့ အမြင်အာရုံကို ရရှိလိုတယ်ဆိုရင်တော့ သတ်မှတ်ထားတဲ့ အချိန်ကာလ (အနည်းဆုံး တစ်နှစ်) အတွင်းမှာ Enhancement Surgery ကို ပြုလုပ်လို့ရပြီး ကျန်ရှိနေတဲ့ တစ်သျှူးများကို ဖယ် ထုတ်လို့ ရပါတယ်။
    Overcorrections :  Overcorrections က တော့ ဖယ်ထုတ်ပစ်ရမယ့် တစ်သျှူးပမာထက်ပိုပြီး  ဖယ်ထုတ်မိသွားတဲ့ အခြေအနေဖြစ်ပါတယ်။ Undercorrections ဖြစ်တာနဲ့ နှိုင်းယှဉ်တဲ့အခါမှာတော့ Overcorrections က ပြန်လည်ပြုပြင်ဖို့ ခက်တဲ့အနေအထား ဖြစ်တယ်လို့ ဆိုနိုင်ပါတယ်။
    ဒါပေမဲ့ လေဆာနဲ့ မျက်စိပါဝါဖျောက်ခြင်း၊  LASIK က လက်ရှိ မျက်စိအမြင်အာရုံ ပြန်လည် ပြုပြင်ခြင်း နည်းလမ်းများစွာအနက် နောက်ဆုံး ပေါ် နည်းပညာနဲ့ စက်ပစ္စည်းများကို အသုံးပြုပြီး ကုသရတာ ဖြစ်တဲ့အတွက် အဆိုပါ နောက်ဆက်တွဲ အခြေအနေများ ဖြစ်နိုင်ချေ ရာခိုင်နှုန်း အလွန်နည်း ပါးတယ်လို့လည်း သိရပါတယ်။

ပူးပေါင်းဆောင်ရွက်မှု
    အကယ်၍ သင်ကိုယ်တိုင်  LASIK နည်းနဲ့ မျက်စိပါဝါဖျောက်တော့မယ်လို့ ဆုံးဖြတ်လိုက်ပြီ ဆိုပါစို့ ။ သက်ဆိုင်ရာ ဆရာဝန်က ကုသမှုနဲ့ သက် ဆိုင်တဲ့ ကိစ္စရပ်များကို သင်နဲ့အတူ ဆွေးနွေးပေး မှာဖြစ်ပြီး ကုသမှုမခံယူမီနဲ့ ခံယူပြီးနောက်ပိုင်း လုပ် ဆောင်ရမယ့် အရာများကိုလည်း ရှင်းပြပေးပါ လိမ့်မယ်။  အဆိုပါ အချိန်မှာ သင့်ရဲ့ ကုသမှုကို တာဝန်ယူပေးမယ့် ဆရာဝန်ကို သင်သိလိုသမျှ၊ သင်စိုးရိမ်နေသမျှ ကိစ္စရပ်များအားလုံးကို မေးမြန်း နိုင်ပါတယ်။ ကုသမှု ရာနှုန်းပြည့်အောင်မြင်ဖို့ က ကုသမှု ပြုလုပ်ပေးမယ့် တက်ကျွမ်းတဲ့ ပညာရှင်၊ ဆရာဝန်များနဲ့ သက်ဆိုင်သလို သင်ကိုယ်တိုင်ရဲ့ ပူးပေါင်းပါဝင်မှုကလည်း အရေးကြီးပါတယ်။ ညွှန်ကြားချက်အားလုံးကို သင်ကိုယ်တိုင်က ဂရု တစိုက် လိုက်နာမှသာလျှင် အကောင်းမွန်ဆုံးရလဒ် ကို ရရှိနိုင်မှာ ဖြစ်ပါတယ်။

ကြိုတင်ပြင်ဆင်မှု
    အထက်ဖော်ပြပါ စမ်းသပ်စစ်ဆေးမှုတွေကို ပြုလုပ်ပြီးနောက် သင့်ရဲ့ အခြေအနေက LASIK ကုသမှုပြုလုပ်ဖို့ အဆင်ပြေသင့်တော်ပြီး သင် ကိုယ်တိုင်ကလည်း အဆိုပါကုသမှုကိုခံယူဖို့ ဆုံး ဖြတ်လိုက်ပြီဆိုပါဆို့။ ကုသမှုမခံယူခင်မှာ ကြို
တင်ပြင်ဆင်ထားရမယ့် အပိုင်းလေးတွေ ရှိနေပါ သေးတယ်။
    ကုသမှုခံယူမယ့်နေ့ မတိုင်ခင်တစ်ရက်နဲ့ ကု သမှုခံယူမယ့်နေ့တွေမှာ Make up ၊ Cream ၊  Lotion   နဲ့ ရေမွှေးတွေ အသုံးမပြုသင့်ဘူးလို့ သိရပါတယ်။
    မျက်ကပ်မှန် တပ်လေ့ရှိသူဆိုရင် ကုသမှု မပြုလုပ်ခင် ရက်သတ္တပတ်အနည်းငယ် ကြိုပြီး မျက်ကပ်မှန်တပ်ဆင်မှုကို ရပ်နားထားရပါမယ်။ မျက်ကပ်မှန်တပ်ဆင်ခြင်းက  မျက်ကြည်လွှာကို ပုံစံ မမှန် ဖြစ်စေတတ်တာကြောင့် မျက်ကြည်လွှာ စစ်ဆေးမှု ပြုလုပ်စဉ်က ထွက်ရှိထားတဲ့ ရလဒ် တွေအပေါ် သက်ရောက်မှု ရှိနိုင်တာကြောင့် ဖြစ်ပါ တယ်။ သင့်ရဲ့ ကုသမှုကိုတာဝန်ယူပေးမယ့် သက် ဆိုင်ရာ ဆရာဝန်က သင့်ရဲ့အခြေအနေပေါ် မူတည် ပြီး အသေးစိတ် လမ်းညွှန်ချက်တွေ ပေး မှာဖြစ်ပြီး သင့်ရဲ့ တာဝန်က အဆိုပါ လမ်းညွှန်ချက်တွေကို အတိအကျ လိုက်နာပေးဖို့ပဲဖြစ်ပါတယ်။
    သက်ဆိုင်ရာဆရာဝန်က မျက်တောင်မွှေး တွေကို ကုသမှုမပြုလုပ်ခင် နေ့စဉ် (သို့) မကြာ မကြာ သန့်စင်ဖို့ ညွှန်ကြားကောင်း ညွှန်ကြားမှာ ဖြစ်ပြီး  ကုသမှုအဆင့်ဆင့်မှာလည်း မျက်တောင် မွှေးတွေကို သန့်စင်မယ့်အဆင့် ပါဝင်ပါတယ်။ ဒါက မျက်တောင်မွှေးတွေမှ တစ်ဆင့် ပိုးဝင်ခြင်း ကို ကာကွယ်ဖို့ အတွက်ဖြစ်ပါတယ်။ (တစ်ချို့ စိုး ရိမ်သလို မျက်တောင်မွှေးတွေကို ညှပ်ပစ်တာ မဟုတ်ဘဲ သန့်စင်ရုံသာဖြစ်တယ်လို့ သိရပါတယ်။)
    လေဆာနဲ့ ပါဝါဖျောက်ခြင်း (LASIK) ကို အချိန်တိုတိုနဲ့ ပြုလုပ်နိုင်ပါတယ်။ ဆေးရုံမှာ လည်း အချိန်ကြာကြာနေစရာ မလိုအပ်တာ ကြောင့် သင့်ရဲ့ အိမ်အပြန်ခရီးကို ကြိုတင်ပြင်ဆင် ထားဖို့ လိုအပ်ပါတယ်။ LASIK ကုသမှု ယူထား
တဲ့ သူတစ်ယောက်ဟာ ကုသမှုပြီးပြီးချင်း အခုချက် ချင်းဆိုသလို ကိုယ်တိုင်ကားမောင်းဖို့ မသင့် တော်တာကြောင့် အကယ်၍ သင်ကိုယ်တိုင် ကား မောင်းပြီး ဆေးရုံကို လာခဲ့မယ်ဆိုရင် အပြန်ခရီး မှာတော့ ကိုယ်စားကားမောင်းပေးမယ့် လူတစ်
ယောက် ကြိုတင်စီစဉ်ထားသင့်ပါတယ်။

ကုသမှု မပြုလုပ်မီ
    လေဆာနဲ့ မျက်စိပါဝါဖျောက်ခြင်း မပြု လုပ်မီမှာ သက်ဆိုင်ရာ မျက်စိဆရာဝန်က  အကြို စစ်ဆေးခြင်း (pre-surgical eye exam) ကို ပြု လုပ်မှာဖြစ်ပါတယ်။ (မျက်ကပ်မှန်တပ်လေ့ရှိသူ ဆိုပါက အကြိုစစ်ဆေးမှု မပြုလုပ်ခင် တစ်ပတ်
အလိုမှာ မျက်ကပ်မှန်တပ်ခြင်းကို ရပ်နားထားရ မှာ ဖြစ်ပါတယ်။) အဆိုပါ အကြိုစစ်ဆေးခြင်းပြု လုပ်တဲ့အခါမှာ သင့်ရဲ့ ဆေးဘက်ဆိုင်ရာ မှတ်တမ်း နဲ့ မျက်လုံးနဲ့ပတ်သက်တဲ့ စစ်ဆေးမှုတွေကိုပါ အ သေးစိတ် ကျယ်ကျယ်ပြန့်ပြန့် ပြုလုပ်မှာ ဖြစ်ပါ
တယ်။
    သင့်ရဲ့ အမြင်အာရုံကို စစ်ဆေးတွက်ချက် ခြင်း (မျက်မှန်ပါဝါ စစ်ဆေးခြင်း)၊ မျက်လုံးမှာ ရောဂါပိုးဝင်နေခြင်း ရှိမရှိ၊ ရောင်ရမ်းမှု ရှိမရှိ၊ မျက်လုံးခြောက်တဲ့ အနေအထား ရှိမရှိ (မျက်ရည် Level တိုင်းခြင်း) ၊ မျက်စိသူငယ်အိမ် အနေအထား (မျက်စိသူငယ်အိမ် ကျယ်နေရင် LASIK နည်းနဲ့ ကုသဖို့ မသင့်တော်ဘူးလို့ သတ်မှတ်ပါတယ်)၊ မျက်လုံးအတွင်း ဖိအား စတဲ့ အခြေအနေ အရပ်ရပ် ကို ပထဆုံးအနေနဲ့ စစ်ဆေးပါတယ်။
    ဆက်လက်ပြီး မျက်ကြည်လွှာကို တိုင်းတာ စစ်ဆေးပါလိမ့်မယ်။ မျက်ကြည်လွှာကို တိုင်းတာ စစ်ဆေးတဲ့အခါမှာ မျက်ကြည်လွှာပုံစံ၊ အထူအပါး နဲ့ မျက်ကြည်လွှာရဲ့ အနေအထား ပုံစံမမှန်မှု ရှိ၊ မရှိ စစ်ဆေးမှာဖြစ်ပါတယ်။
    မျက်ကြည်လွှာ ဓာတ်ပုံရိုက်ခြင်းလို့ ခေါ်တဲ့ အဆင့်လည်းပါဝင်ပါတယ်။ မျက်ကြည်လွှာကို ဓာတ်ပုံရိုက်ခြင်း (သို့) စကင်ဖတ်တဲ့ စစ်ဆေးမှု ကတစ်ဆင့် အလွန်အသေးစိတ်ကျတဲ့ ပုံစံဇယား ချပ်ကို ရရှိမှာဖြစ်ကာ အဆိုပါ ဇယားက ထွက်ရှိ
လာတဲ့ အချက်အလက်များအပေါ် မူတည်ပြီး သက် ဆိုင်ရာ ဆရာဝန်က ပုံစံအသစ်ပြန်သွင်းဖို့ လိုအပ် မယ့် မျက်ကြည်လွှာရဲ့ဧရိယာကို သတ်မှတ်ခြင်း၊ ဖယ်ထုတ်ရမယ့် တစ်သျှူး ပမာဏ အတိအကျကို ဆုံးဖြတ်ခြင်းများ ပြုလုပ်မှာဖြစ်ပါတယ်။

ကုသမှု ပုံစံ
    လေဆာနဲ့ မျက်စိပါဝါဖျောက်ခြင်းက ပုံမှန် အားဖြင့် မိနစ် ၂၀ ၀န်းကျင်ခန့်သာ ကြာမြင့်လေ့ ရှိပါတယ်။ LASIK ပြုလုပ်စဉ်မှာ မေ့ဆေးအသုံး ပြုခြင်းမရှိဘဲ မျက်စိကိုပဲ ထုံဆေးခပ်ပြီး ကုသမှု ပြုလုပ်တာ ဖြစ်ပါတယ်။ အကြိုစစ်ဆေးမှု ရလဒ်
အားလုံး ကောင်းမွန်မယ်ဆိုပါက အဝေးမှုန်ပါဝါ -14.00 ၊ အနီးမှုန်ပါဝါ + 8.00 ၊ ဆလင်ဒါ ပါဝါ - 4.00 အထိ ဖျောက်ပေးနိုင်တယ်လို့ သိရပါတယ်။
    လေဆာနဲ့ ပါဝါဖျောက်ခြင်း ကုသမှုမှာ အဆင့်သုံးဆင့်ရှိပါတယ်။ ပထမအဆင့်အနေနဲ့ မျက်ကြည်လွှာတစ်သျှူးရဲ့ အပေါ်ဆုံးအလွှာကို  Microkeratome လို့ ခေါ်တဲ့ ကိရိယာကို အသုံးပြု ကာ မျက်ကပ်မှန်တစ်ခုစာ အရွယ်အစားခန့် လှပ်
လိုက်ပါတယ်။ ပြီးရင်တော့ Laser ရောင်ခြည်နဲ့ မျက်ကြည်လွှာရှိ တစ်သျှူးများကို ဖယ်ထုတ်ပြီး မျက်ကြည်လွှာရဲ့ ပုံစံကိုပြန်လည် ပြုပြင်ပါတယ်။
    နောက်ဆုံးမှာ လှပ်ထားတဲ့ အလွှာလေးကို နေရာတကျ ပြန်လည်အုပ်လိုက်ပါတယ်။ အဆိုပါ နေရာက နောက်ပိုင်းမှာ သဘာဝအတိုင်း မူလအနေ အထားသို့ ပြန်လည်ရောက်ရှိသွားမှာ ဖြစ်ပါတယ်။ ကုသမှု ပြုလုပ်နေစဉ်အတွင်း နာကျင်ခြင်း မရှိဘူး လို့လည်း သိရပါတယ်။

ကုသမှု ပြုလုပ်ပြီးနောက်
    LASIK နဲ့ကုသမှု ခံယူပြီးနောက် ယာယီအနေ နဲ့ မျက်ရည်ထုတ်လုပ်မှုကို လျော့နည်းသွားစေပါ တယ်။ သဘာဝအတိုင်း ပြန်လည်အနာကျက် အောင် လုပ်ဆောင်နေစဉ်ကာလ ပထမခြောက်လ အတွင်းမှာ မျက်လုံးခြောက်တဲ့ အခြေအနေမျိုး ခံစားရနိုင်ပါတယ်။ ခြောက်သွေ့တဲ့ မျက်လုံးက မျက် လုံးရဲ့ အမြင်စွမ်းရည်ကို လျော့ကျစေတာကြောင့် ရှင်းရှင်းလင်းလင်း မမြင်ရသလိုမျိုးလည်း ခံစားရ စေနိုင်တယ်လို့ သိရပါတယ်။ ဒီလိုအခြေအနေ အတွက် သက်ဆိုင်ရာ မျက်စိအထူးကုဆရာဝန်ရဲ့ ညွှန်ကြားချက်နဲ့ မျက်စဉ်းအသုံးပြုနိုင်ပါတယ်။  
    ကုသမှုခံယူပြီးနောက်ပိုင်းမှာ  အခြေအနေက မြန်မြန်ဆန်ဆန် ပြန်လည်ကောင်းမွန်လာလေ့ ရှိပါတယ်။ ကုသမှု ခံယူထားသူကို သက်တောင့် သက်သာဖြစ်စေဖို့  မျက်စဉ်းခတ်ခိုင်းတာမျိုးလည်း ရှိပါတယ်။ ညဘက်မှာ သင့်ရဲ့မျက်လုံးကို ထိခိုက်မှု တစ်စုံတရာ မဖြစ်အောင် အကာအကွယ် တပ်ဆင် ဖို့လည်း ဆရာဝန်က ညွှန်ကြားပါလိမ့်မယ်။ ကုသမှု ပြုလုပ်ပြီးပြီးချင်းမှာပဲ (လုံးဝ)ရှင်းရှင်းလင်းလင်း မဟုတ်တောင် မြင်နိုင်တဲ့ အနေအထားရှိပါတယ်။ နှစ်လ (သို့မဟုတ်) သုံးလ အတွင်းမှာ  အမြင်အာရုံက တည်ငြိမ်လာပြီး ကြည်ကြည်လင်လင် မြင်ရတဲ့ အဆင့်ကို ရောက်ရှိလာနိုင်ပါတယ်။ အဆိုပါ နှစ်လ (သို့မဟုတ်) သုံးလဆိုတဲ့ အချိန်ကာလကလည်း ကုသမှုမပြုလုပ်ခင်က သင့်ရဲ့ အမြင်အာရုံစွမ်းရည်
ပေါ်မူတည်ပြီး ဒီထက်ပိုတိုတဲ့ အချိန်ကာလအတွင်း မှာလည်း ရည်မှန်းထားတဲ့ အမြင်အာရုံကို ရရှိနိုင် ပါတယ်။
    ကုသမှုပြုလုပ်ပြီးနောက် နောက်ဆက်တွဲ စစ်ဆေးမှုများအတွက် ချိန်းထားတဲ့ အချိန်မှာ ဆရာဝန်နဲ့ ပြန်လည်ပြသမှု ပြုလုပ်ဖို့လည်း လိုအပ် ပါတယ်။ ဒါမှသာ သင့်ရဲ့ မျက်လုံးအခြေအနေ၊ ပြန်လည်ကောင်းမွန်လာတဲ့ အနေအထား စတာ
တွေကို စစ်ဆေးနိုင်မှာဖြစ်ပါတယ်။
    အကယ်၍ အသုံးပြုလေ့ရှိမယ်ဆိုရင် ရက်သတ္တပတ် အနည်းငယ်ကြာပြီးနောက်မှာ မျက်လုံး ဧရိယာနားတစ်ဝှိုက်ကို မိတ်ကပ်နဲ့ Cosmetic များ ပြန်လည် အသုံးပြုလို့ရနိုင်ပါတယ်။ သင်ဟာ အား ကစား လုပ်လေ့ရှိသူတစ်ဦးဆိုရင် ဆရာဝန်ကို ဘယ် အချိန်မှာ အားကစားပြန်လုပ်လို့ ရနိုင်မလဲဆိုတာကို မေးမြန်းထားသင့်ပါတယ်။ ဒါအပြင့် သင့်ရဲ့ နေ့စဉ် ပုံမှန်လှုပ်ရှားမှုများ ပြုလုပ်ရာမှာလည်း ဆရာဝန်ရဲ့ ညွှန်ကြားချက်များကို အတတ်နိုင်ဆုံး လိုက်နာသင့် ပါတယ်။ ဒါမှသာ သင့်ရဲ့ ကုသမှုက ကောင်းမွန်တဲ့ ရလဒ်ကို ရရှိနိုင်မှာဖြစ်ပါတယ်။

နောက်ဆက်တွဲ ရလဒ်
    LASIK နည်းနဲ့ ကုသမှုခံယူခြင်းဆိုတာက Cosmetic Sugery သဘောမျိုး ခပ်ဆင်ဆင် တူပါ တယ်။ မျက်မှန်ကြောင့် ကိုယ့်ကိုကိုယ် ယုံကြည်မှု ပျောက်ဆုံးနေသူတွေ၊ မျက်ကပ်မှန် တပ်ရမှာ မနှစ် သက်သူတွေ၊ လိုအပ်ချက်တစ်ခုအနေနဲ့ မျက်မှန် တပ်ခြင်းအား တားမြစ်ထားတဲ့ အလုပ်တစ်ခုကို အသက်မွေးဝမ်းကြောင်း လုပ်ငန်းအဖြစ် ရွေးချယ် တော့မယ့်သူတွေ (ရုပ်ရှင်သရုပ်ဆောင်၊ အဆို တော်၊ မော်ဒယ်လ်၊ သင်္ဘောသား၊ လေယာဉ်မှူး၊ လေယာဉ်မောင်/မယ်၊ အားကစားသမားများ စသ ဖြင့်)အတွက် လေဆာဖြင့် မျက်စိပါဝါဖျောက်မယ့် နည်းလမ်းကို ရွေးချယ်လေ့ရှိကြပါတယ်။ အမြင် အာရုံချို့ယွင်းမှုကြောင့် မျက်မှန်၊ မျက်ကပ်မှန် တပ်ရခြင်းရဲ့ဒုက္ခကို မျက်မှန်၊ မျက်ကပ်မှန် တပ်ရ တဲ့ သူများကိုယ်တိုင်ပဲ သိနိုင်ပါတယ်။ LASIK နည်း နဲ့ ကုသမှုခံယူပြီးသွားတဲ့ လူအများစုကတော့ အပေါင်းလက္ခဏာဆောင်တဲ့ ရလဒ်တွေနဲ့ စိတ် ကျေနပ်မှုတွေ ရရှိကြတယ်လို့ စစ်တမ်းတွေအရ သိ ရပါတယ်။
    ဤဆောင်းပါးအတွက် ကူညီပေးပါသော iQ VISION အား ကျေးဇူးတင်ရှိပါသည်။