ကြက်ဥကို ဘာကြောင့်စားပေးသင့်သလဲ

အာဟာရဓာတ်ကြွယ်ဝစွာ ပါဝင်ပြီး ချက်ပြုတ်ရလည်း လွယ်ကူ၊ အလွယ်တကူလည်း ဝယ်ယူရရှိနိုင်တာကြောင့် အိမ်တိုင်းရဲ့ မီးဖိုချောင်တိုင်းမှာ ကြက်ဥကို အမြဲတမ်းလိုလို မြင်တွေ့ရလေ့ ရှိပါတယ်။ ဟင်းလျာတော်တော်များများနဲ့ မုန့်အမျိုးအစား အတော်များများမှာ ကြက်ဥကို မပါမဖြစ် အသုံးပြုရသလို မနက်စာတိုင်းမှာလည်း ပုံစံအမျိုးမျိုးနဲ့ ချက်ပြုတ်ထားတဲ့ ကြက်ဥကို မြင်တွေ့ရမှာပါ။ ဒါက ကြက်ဥရဲ့ လူကြိုက်များမှုနဲ့ စားသုံးသူများပြားမှုကို ဖော်ပြနေတာဖြစ်ပြီး ဒီလို များပြားရတဲ့ အကြောင်းအရင်းကလည်း ခိုင်ခိုင်မာမာရှိနေပါတယ်။ ကြက်ဥတစ်လုံးရဲ့ အနှစ်မှာ ကယ်လ်ဆီယမ်နဲ့ သံဓာတ်ပါဝင်ပြီး လူတိုင်းအတွက် မရှိမဖြစ်လိုအပ်တဲ့ ပရိုတိန်းဓာတ်တွေနဲ့  ကြက်ဥအကာကို ဖွဲ့စည်းထားပြီး ဒီအာဟာရဓာတ်တွေက ခန္ဓာကိုယ်မှာ မရှိမဖြစ်လိုအပ်တဲ့ အခြေခံ အာဟာရဓာတ်တွေ ဖြစ်နေလို့ပါပဲ။ ဒါတွေအပြင် သင် သတိမထားမိဘဲ ပုံမှန်စားဖြစ်နေတဲ့ ကြက်ဥမှာ ဘယ်လို အာဟာရဓာတ်တွေ၊ ဗီတာမင်တွေ၊ သတ္တုဓာတ်တွေ ပါဝင်ပါသေးသလဲ။ ဒီအာဟာရဓာတ်တွေက သင့်ခန္ဓာကိုယ်နဲ့ သင့်ရဲ့ ကျန်းမာရေးကို ဘယ်လိုတွေအကျိုးပြုနေပါသလဲ။ ဒီမေးခွန်းတွေရဲ့ အဖြေကို အောက်မှာဆက်လက် ဖော်ပြပေးလိုက်ပါတယ်။

မရှိမဖြစ်ဗီတာမင်များ
ကြက်ဥတစ်လုံးမှာ သင့်ရဲ့ကျန်းမာရေးအတွက် မရှိမဖြစ်လိုအပ်တဲ့ ဗီတာမင် အမျိုးအစား တော်တော်များများပါဝင်နေပါတယ်။ ဒါကြောင့်လည်း ကြက်ဥကို အာဟာရရင်းမြစ် တစ်မျိုးအဖြစ် သတ်မှတ်ပြီး ကမ္ဘာတစ်ဝန်းကလူတွေ စားသုံးကြတာ ဖြစ်ပါတယ်။ ကြက်ဥမှာ ဗီတာမင် B2 ၊ B12 ၊ ဗီတာမင် A နဲ့ ဗီတာမင် E တို့ အဓိကပါဝင်ပါတယ်။ Riboflavinလို့လည်း လူသိများတဲ့ ဗီတာမင် B2 က စားသုံးလိုက်တဲ့ အစားအသောက်များဆီက ကယ်လိုရီတွေကို စွမ်းအင်အဖြစ်ဖြိုခွဲနိုင်ဖို့ မရှိ
မဖြစ်လိုအပ်တဲ့ ဗီတာမင်ဖြစ်ပြီး ဗီတာမင် B12 က သွေးနီဥတွေ ထုတ်လုပ်ဖို့ အဓိကလိုအပ်တဲ့ ဗီတာမင်ဖြစ်ပါတယ်။ ဗီတာမင် A က အမြင်အာရုံ ကျန်းမာဖို့အတွက် လိုအပ်တဲ့ ဗီတာမင် အမျိုးအစားဖြစ်ပြီး ဗီတာမင် E ကတော့ ခန္ဓာကိုယ်ထဲကို ပြင်ပကဝင်ရောက်လာပြီး ဆဲလ်နဲ့ တစ်ရှူးတွေကို တိုက်ခိုက်ဖျက်စီးပြီး ကင်ဆာဖြစ်စေနိုင်တဲ့ Free Radical တွေကို တိုက်ဖျက်ပေးနိုင်စွမ်းရှိတဲ့ ဗီတာမင် ဖြစ်ပါတယ်။ ဒါ့အပြင် ဗီတာမင် A နဲ့ B2 က ခန္ဓာကိုယ်ကြီးထွားဖွံ့ဖြိုးအောင်လည်း ကူညီပေးနိုင်တာကြောင့် ကလေးငယ်တွေ ဖွံ့ဖြိုးနေတဲ့ အရွယ်မှာ လုံလောက်အောင် ရရှိထားသင့်ပါတယ်။ ဒါကြောင့် ကလေးတွေကျွေးမယ့် အစားတွေထဲမှာ ကြက်ဥကို ပုံမှန်ပါဝင်အောင် ထည့်သွင်းကျွေးမွေးဖို့ ပညာရှင် တွေတိုက်တွန်းထားပါတယ်။

အရေးပါတဲ့ သတ္တုဓာတ်တွေ
ကြက်ဥမှာ ခန္ဓာကိုယ်အတွက် မရှိမဖြစ် လိုအပ်တဲ့ ဗီတာမင် အမျိုးအစားအတော်များများ ပါဝင်တာကို အထက်မှာဖော်ပြခဲ့ပြီးပါပြီ။ ဒါပေမဲ့ ကြက်ဥမှာ အဆိုပါ ဗီတာမင်တွေသာမကပဲ ခန္ဓာ ကိုယ် နဲ့ အင်္ဂါအစိတ်အပိုင်းတွေရဲ့ စနစ်တွေ ကောင်း
ကောင်းအလုပ်လုပ်ဖို့ လိုအပ်တဲ့ အဓိက သတ္တုဓာတ်တွေဖြစ်တဲ့ သံဓာတ်၊ ဇင့်၊ ဖော့စ်ဖောရပ်စ် စတဲ့သတ္တုဓာတ်တွေလည်း ပါဝင်နေပါသေးတယ်။ သံဓာတ်က သွေးအားနည်းခြင်းကို ကာကွယ်ပေးနိုင်တဲ့ သတ္တုဓာတ်တစ်မျိုးဖြစ်ပြီး အထူးသဖြင့် လစဉ်ဓမ္မတာပေါ်ခြင်းကြောင့် ခန္ဓာကိုယ်ထဲမှာ သွေးအားနည်းသွားတတ်တဲ့ အမျိုးသမီးတွေမှာ သံဓာတ်ကို ပိုလိုအပ်ပါတယ်။ သံဓာတ်ကို လုံလောက်အောင် မရရှိထားရင် အလွယ်တကူ မောပန်းလွယ်တာ၊ အားအင်ကုန်ခမ်းတာ၊ မူးဝေတာ စတဲ့ ကျန်းမာရေးပြဿနာတွေ ကြုံတွေ့လာရနိုင်ပါတယ်။ ဇင့်ဓာတ်က ခန္ဓာကိုယ်ရဲ့ ခုခံစွမ်းအားစနစ်အတွက် အရေးပါတဲ့ သတ္တုဓာတ်တစ်မျိုးဖြစ်ပြီး အစားအသောက်တွေကို စွမ်းအင်အဖြစ်ပြောင်းလဲ တဲ့ စနစ်ကိုလည်း အကူအညီပေးနိုင်ပါသေးတယ်။ ဖော့စ်ဖောရပ်စ်က အရိုးတွေနဲ့ သွားတွေ ကျန်းမာကြံ့ခိုင်ဖို့ ကယ်လ်ဆီယမ်ပြီးနောက်ထပ် အရေးပါတဲ့ ဓာတ်တစ်မျိုးလည်းဖြစ်ပါတယ်။ ဒါ့အပြင် ကြက်ဥမှာ ခန္ဓာကိုယ်က ပမာဏ အများကြီး မဟုတ်သော်လည်း မရှိမဖြစ်လိုအပ်တဲ့ အခြားသတ္တုဓာတ်တွေ ဖြစ်တဲ့ အိုင်အိုဒင်း၊ ဆယ်လီနီယမ်နဲ့ Antioxidants တွေလည်းပါဝင်နေပါတယ်။ အိုင်အိုဒင်းကို ခန္ဓာကိုယ်ရဲ့ လုပ်ငန်းဆောင်တာ အတော်များများကို ထိန်းချုပ်ထားတဲ့ သွိုင်းရွိုက်ဟော်မုန်းထုတ် လုပ်ဖို့ လိုအပ်ပြီး ဆယ်လီနီယမ် နဲ့ Antioxidants တွေက ကင်ဆာဖြစ်စေနိုင်တဲ့ အဆိပ်အတောက်တွေဓာတ်တိုးခြင်းကို ကာကွယ်ပေးနိုင်တဲ့ အာနိသင်ရှိပါတယ်။

ပရိုတိန်း
ကြက်ဥတစ်လုံးမှာ ပျမ်းမျှအားဖြင့် ကယ်လို ရီ ၇ဝ မှ ၈၅ အထိပါဝင်နေနိုင်ပြီး ပရိုတိန်း ၆.၅ ဂရမ်ခန့် ပါဝင်ပါတယ်။ အကြမ်းဖျင်းအားဖြင့် အရွယ်ရောက်ပြီးသူတစ်ယောက်မှာ တစ်ရက်ကို အနည်းဆုံး ပရိုတိန်း ၅ဝ ဂရမ်ခန့် စားသုံးပေးဖို့ လိုအပ်ပါတယ်။ ကြက်ဥ ၃ လုံးခန့်စားသုံးခြင်းမှ တစ်ရက်တာအတွက် လိုအပ်တဲ့ ပရိုတိန်း ပမာဏ ထက်ဝက်ခန့်ကို ရရှိနိုင်ပြီး ကယ်လိုရီအားဖြင့် တော့ ၂၁ဝ မှ ၂၅၅ ပမာဏခန့်သာရှိပါတယ်။ ဒါက အခြားပရိုတိန်းဓာတ်ပါဝင်မှု မြင့်မားတဲ့ အစားအသောက်များနဲ့ နှိုင်းယှဉ်ရင် သိသိသာသာနည်းတဲ့ ကယ်လိုရီပမာဏဖြစ်ပါတယ်။ (လူတစ်ဦးရဲ့ တစ်နေ့တာအတွက် လိုအပ်တဲ့ ပရိုတိန်း ပမာဏက ကိုယ်အလေးချိန် နဲ့ သူ့ရဲ့ လှုပ်ရှားနေထိုင်တဲ့ ပုံစံအပေါ် မူတည်ပြီး ကွဲပြားမှုရှိပါတယ်။) ကျန်းမာရေးနဲ့ ညီညွှတ်ပြီး အာဟာရဓာတ်မျှတမှုရှိအောင် ကြက်ဥနဲ့ အမျှင်ဓာတ်ပါဝင်တဲ့ အသီးအရွက်တွေနဲ့ ရောနှောပြီး စားပေးတာမျိုးပြုလုပ်ဖို့ အာဟာရဗေဒ ပညာရှင်တွေ တိုက်တွန်းထားပါတယ်။

ကိုယ်အလေးချိန်ကို ထိန်းပေးနိုင်
ကြက်ဥကို ကိုယ်အလေးချိန်တက်အောင် စားပေးလို့ရသလို ကိုယ်အလေးချိန်ကျအောင်လည်း စားပေးလို့ရပါတယ်။ ကြက်ဥမှာ ပရိုတိန်းနဲ့ ကယ်လိုရီပါဝင်မှု များတာကြောင့် ကြက်ဥစားတာက သင့်ကို ကိုယ်အလေးချိန် တက်လာစေနိုင်တယ်လို့ထင်ရစရာရှိပါတယ်။ မှန်ပါတယ်၊ ဒါပေမဲ့ ကြက်ဥကို စနစ်တကျနဲ့ စားပေးသင့်တဲ့ အချိန်မှာ စားပေးမယ်ဆိုရင် ကိုယ်အလေးချိန်ကျဆင်းစေဖို့ အများကြီး အထောက်အကူပြုပေးနိုင်တာကို Rochester Center for Obesity Research မှ
သုတေသီတွေ တွေ့ရှိခဲ့ပါတယ်။ ကြက်ဥကို မနက်စာအဖြစ် စားသုံးခြင်းဖြင့် တစ်နေ့တာအတွက် ကယ်လိုရီစားသုံးမှုကို ၄ဝဝ ခန့်လျော့နည်းသွားပြီး ဒီနှုန်းက တစ်လမှာ ကိုယ်အလေးချိန် ၃ ပေါင်နဲ့ အထက် ကျသွားစေနိုင်တဲ့ နှုန်းဖြစ်တယ်လို့ သုတေသီတွေ ဆိုထားပါတယ်။ ဒါက ကြက်ဥကို မနက်စာအဖြစ်စားတဲ့အခါ အခြားအစားအသောက် များထက် အစာပိုခံနိုင်တာကြောင့်ဖြစ်ကောင်း ဖြစ်နိုင်တယ်လို့ သုတေသီတွေ ကောက်ချက်ချထားပါတယ်။ ကြက်ဥမှာ ကိုလက်စထရော ပါဝင်တာမှန်ပေမဲ့ ပါဝင်တဲ့ အမျိုးအစားက Dietary Chole-sterol အမျိုးအစား ဖြစ်တာကြောင့် ကျန်းမာရေးကို ထိခိုက်စေနိုင်တဲ့ Blood Cholesterol နဲ့ ကွဲပြားမှုရှိပါတယ်။

ရင်သားကင်ဆာကို ကာကွယ်ပေးနိုင်
Harvard University က ပြုလုပ်ခဲ့တဲ့ လေ့လာမှုတစ်ခုအရ မိန်းကလေးတွေ ဆယ်ကျော်သက်အရွယ်မှာ ကြက်ဥစားသုံးမှုက သက်ကြီးပိုင်း ရောက်လာတဲ့အချိန်မှာ ရင်သားကင်ဆာဖြစ်နိုင်ခြေကို လျော့ကျစေနိုင်တာကို တွေ့ရှိခဲ့တယ်လို့ သိရ ပါတယ်။ ၂ဝဝ၅ ခုနှစ်က ပြုလုပ်ခဲ့တဲ့ သုတေသနတစ်ခုမှာလည်း တစ်ပတ်ကို ကြက်ဥ ၆ လုံး ခန့်စားလေ့ရှိတဲ့ အမျိုးသမီးတွေကို  ကြက်ဥစားသုံးမှုနည်းတဲ့ အမျိုးသမီးတွေနဲ့ နှိုင်းယှဉ်ရင် ရင်သားကင်ဆာဖြစ်နိုင်ခြေ ၄၄% ခန့် လျော့နည်းနေတာကို တွေ့ရတယ်လို့ ဖော်ပြထားပါတယ်။ ကြက်ဥအနှစ်မှာပါဝင်တဲ့ Choline က ရင်သားကင်ဆာ ဖြစ်နိုင်ချေကို ၂၄% ခန့် နည်းပါးစေနိုင်တယ်လို့ သိရပြီး ကြက်ဥတစ်လုံးရဲ့ အနှစ်မှာ တစ်ရက်တာ အတွက်လိုအပ်တဲ့ Choline ရဲ့ လေးပုံပုံ တစ်ပုံ ခန့်ပါဝင်နေပါတယ်။

Ref; This Is Why You Should Seriously Be Eating More Eggs