နားကိုက်တဲ့အခါ

လူတိုင်းနီးပါး တစ်သက်မှာ အနည်းဆုံး တစ်ခါတော့ နားနဲ့ ပတ်သက်တဲ့ ပြဿနာ တစ်မျိုးတစ်မည်ကို ကြုံကို ကြုံဖူးနိုင်ပါတယ်။ အဖြစ်အများဆုံး ပြဿနာကတော့ နားကိုက်တဲ့ရောဂါဖြစ်ပြီး များသောအားဖြင့် နားကိုက်ရတဲ့ အကြောင်းအရင်းကို ကာယကံရှင်ကိုယ်တိုင်က မသိတာမျိုး ဖြစ်လေ့ရှိပါတယ်။ နားဟာ ဖွဲ့စည်းတည်ဆောက်ပုံရှုပ်ထွေးပြီး အလွန်အသုံးဝင်တဲ့ အာရုံခံ အင်္ဂါအစိတ်အပိုင်းတစ်မျိုးဖြစ်တာကြောင့် နားမှာ ပြဿနာတစ်စုံတစ်ရာ ပေါ်လာတဲ့အခါ ပေါ့ပေါ့ဆဆ မနေသင့်ပါဘူး ။ ဘာကြောင့် နားကိုက်လာရသလဲဆိုတဲ့ မေးခွန်းရဲ့အဖြေကို သိဖို့အတွက် သက်ဆိုင်ရာ ဆရာဝန်နဲ့ ပြသတိုင်ပင်ပြီး သင့်တော်မှန်ကန်တဲ့ ကုသမှုကို စနစ်တကျ ခံယူဖို့လိုအပ်ပါတယ်။ ဒါပေမဲ့ ဆရာဝန်နဲ့ မပြသမီ ကြားကာလမှာ ခံစားနေရတဲ့ ဝေဒနာကို ယာယီ သက်သာစေဖို့ ပြုလုပ်နိုင်ပါတယ်လို့ ပညာရှင်တွေ အကြံပေးထားတဲ့ အိမ်တွင်းကုထုံး တစ်ချို့ရှိနေပါတယ်။ နားကိုက်တဲ့အခါ ဝေဒနာသက်သာစေဖို့ အသုံးပြုနိုင်တဲ့အိမ် တွင်းကုထုံးတစ်ချို့ကို ဖော်ပြပေးလိုက်ပါတယ်။

ကြက်သွန်ဖြူ 
နားကိုက်ဝေဒနာအတွက် နာမည်ကြီးတဲ့ ဆေးမြီးတိုထဲမှာ ကြက်သွန်ဖြူပါဝင်ပါတယ်။ ကြက်သွန်ဖြူမှာ တွေ့ရတဲ့ Allicin အမည်ရ ဓာတ်ပေါင်းက Antioxidant ဂုဏ်သတ္တိရှိပြီး အခြားသော ဆေးဖက်ဝင် အာနိသင်များစွာကို လည်း ပိုင်ဆိုင်ထားပါတယ်။ အဆိုပါ Allicin က ပိုင်ဆိုင်ထားတဲ့ ဆေးဖက်ဝင်အာနိသင်တွေထဲမှာ နားကိုက်ဝေဒနာကို သက်သာစေနိုင်တဲ့ အစွမ်းလည်း ပါဝင်ပါတယ်။ ကြက်သွန်ဖြူကို သန့်စင်တဲ့ သံလွင်ဆီ၊ အုန်းဆီ စတဲ့ ဆီတစ်မျိုးမျိုးထဲမှာ ရက်အနည်းငယ်စိမ်ပြီး အဆိုပါဆီကို နားထဲခတ် ပေးတာမျိုးပြုလုပ်နိုင်ပါတယ်။ အိမ်မှာပြုလုပ်တဲ့ ကြက်သွန်ဖြူဆီက သေချာသန့်စင်ပြီး ပိုးသတ်ထားတာမျိုးမဟုတ်လို့ ရာနှုန်းပြည့် စိတ်ချလို့တော့ မရနိုင်ပါဘူး။ ဆေးဆိုင်တွေမှာ အသင့်အသုံးပြုနိုင်အောင် ထုတ်လုပ်ထားတဲ့ အဆီကတော့ သုံးစွဲရလွယ်ကူပြီး အိမ်လုပ် ကြက်သွန်ဖြူဆီလောက်လည်း အနံ့မပြင်းတာကြောင့် နားကိုက်ဝေဒနာအတွက် ပိုမိုသင့်တော်မှုရှိပါတယ်။

Apple Cider Vinegar
Apple Cider Vinegar တစ်နည်းအားဖြင့် ပန်းသီးရှာလကာရည်ကလည်း လတ်တလောမှာ လူသုံးများတဲ့ အိမ်တွင်းဆေးဝါးတစ်မျိုး ဖြစ်လာပါပြီ။ ဆံပင်၊ အသားအရေနဲ့ ကိုယ်ခံစွမ်းအား ကောင်းမွန်ဖို့ ပန်းသီးရှာလကာရည်ကို အမျိုးမျိုး တိုက်ရိုက်လိမ်းကျံတာ၊ ရေ ဒါမှမဟုတ် ဖျော်ရည် တစ်မျိုးမျိုးနဲ့ ရောစပ်ပြီး သောက်သုံးတာစသဖြင့် ပုံစံအမျိုးမျိုး အသုံးပြုလေ့ရှိကြပါတယ်။ လူသိနည်းသေးတဲ့ ပန်းသီးရှာလကာရည်ရဲ့ အသုံးဝင်တဲ့ နောက်အာနိသင်တစ်မျိုးကတော့ နားကိုက်ဝေဒနာကို သက်သာစေနိုင်တဲ့ အစွမ်းပဲဖြစ်ပါတယ်။ အကယ်၍ နားမှာ နားဖာချေးတွေ ပိတ်ဆို့နေတာကြောင့် နားကိုက်ဝေဒနာ ခံစားနေရတာဆိုရင် ပန်းသီးရှာလကာရည် တစ်စက် နှစ်စက်ခန့် နားထဲထည့်ပေးခြင်းဖြင့် အဆိုပါ နားဖာချေးတွေကို ပျော်
သွားစေနိုင်တယ်လို့ သိရပါတယ်။ ဒါပေမဲ့ အဝတ်သန့်သန့် နဲ့ ရှာလကာရည်တွေ ကုန်သွားတဲ့အထိ ပြန်လည်သန့်စင်ပေးဖို့တော့ လိုအပ်ပါမယ်။ နား သန့်ရှင်းရေးလုပ်ရာမှာ အသုံးပြုလေ့ရှိတဲ့ ဂွမ်းတံတွေ နားအတွင်းပိုင်းထဲထည့်တာကို ဆရာဝန်တွေ  အားမပေးတာကြောင့် ပျော့ပြောင်းတဲ့ အဝတ်သန့်သန့်ကို အသုံးပြုဖို့ တိုက်တွန်းရခြင်း ဖြစ်ပါတယ်။ 

အဆီ
ပညာရှင်အချို့ကတော့ နားကိုက်တဲ့ ဝေဒနာကိုဖြစ်ပေါ်စေတဲ့ အကြောင်းအရင်း အမျိုးမျိုးရှိတာကြောင့် အိမ်တွင်းကုထုံးတွေက နားကိုက်ဝေဒနာကို လုံးဝပျောက်ကင်းသွားစေနိုင်တဲ့ အစွမ်းမရှိဘူးလို့ ဆိုပါတယ်။ ဒါပေမဲ့ တစ်ချို့ အိမ်သုံးဆေးဝါးတွေမှာတော့ ဝေဒနာဖြစ်ရတဲ့ ပြဿနာကို တိုက်ရိုက်ဖြေရှင်းပေးနိုင်တဲ့ အာနိသင်တွေရှိနေပါတယ်။ နားအတွင်းပိုင်းထဲ အဆီခမ်းခြောက်ခြင်းကြောင့်ဖြစ်တဲ့ နားကိုက်ဝေဒနာကို သံလွင်ဆီ၊ အုန်းဆီ စတဲ့ အဆီတစ်မျိုမျိုး ထည့်ပေးခြင်းဖြင့်သက်သာစေနိုင်ပါတယ်။ ဒါကြောင့် သင့်ရဲ့ နားကိုက် ဝေဒနာဘာကြောင့် ဖြစ်ရသလဲဆိုတာကို အရင် စမ်းစစ်ကြည့်ပြီးမှ ဘယ်လို အိမ်တွင်းဆေးဝါးတွေက သင့်ရောဂါအတွက် အဆင်ပြေစေနိုင်သလဲ ဆိုတာကို ဆုံးဖြတ်ဖို့ကလည်း အရေးကြီးပါတယ်။ ပြင်းထန်တဲ့ နားကိုက်ရောဂါတွေက အဖျား တက်ခြင်း၊ နှာခေါင်းနဲ့ ပတ်သက်တဲ့ ရောဂါလက္ခဏာများ၊ ချောင်းဆိုးနှာချေခြင်းစတဲ့ လက္ခဏာတွေနဲ့လည်းတွဲပြီး ဖြစ်တတ်တာကြောင့် သင့် ခန္ဓာကိုယ်က ပြသနေတဲ့ လက္ခဏာတွေကိုလည်း အမြဲ သတိထားနေဖို့ လိုအပ်ပါတယ်။

Xylitol
ပီကေ နဲ့ လည်ချောင်းနာပျောက်အောင် ငုံတဲ့ ငုံဆေးပြားတွေမှာပါဝင်တဲ့ Xylitol လို့ခေါ်တဲ့ သကြားတုတစ်မျိုးကလည်း နားကိုက်ဝေဒနာ သက်သာစေနိုင်တဲ့ အာနိသင်ရှိကောင်းရှိနေနိုင် တယ်လို့ သိရပါတယ်။ တစ်ချို့နားကိုက်တဲ့ ဝေဒနာကို ပီကေဝါးခြင်းဖြင့် သက်သာစေနိုင်တာကို ပညာရှင်တွေ သတိပြုမိခဲ့ပါတယ်။ ၂ဝ၁၆ ခုနှစ်၊ National Center for Biotechnology Information က နားကိုက်ဝေဒနာကို သက်သာစေနိုင်တဲ့ ပီကေအမျိုးအစားတွေကို လေ့လာခဲ့တဲ့အခါမှာ Xylitol ပါဝင်တဲ့ ပီကေဝါးခြင်းက နားအလယ်ပိုင်းပိုးဝင်ခြင်းကြောင့် ဖြစ်တဲ့နားကိုက် ဝေဒနာကို သက်သာစေနိုင်တဲ့ အာနိသင်ရှိတာကို တွေ့ရှိခဲ့ကြပါတယ်။ ဒါကြောင့် Xylitol ပါဝင်တဲ့ ပီကေဝါးပေးခြင်းဖြင့် သင့်ရဲ့ နားကိုက်ဝေဒနာကို ယာယီသက်သာစေနိုင်ပါတယ်။ 

ကြပ်ထုပ်ထိုးခြင်း 
နားကိုက်ဝေဒနာအတွက် အများဆုံး အသုံးပြုကြတဲ့ နည်းလမ်းက အပူသုံးပြီး ကြပ်ထုပ်ထိုးတဲ့  နည်းလမ်းဖြစ်ပြီး ဒီနည်းလမ်းက တကယ်ကို အလုပ်ဖြစ်တဲ့ အိမ်တွင်းကုထုံးတစ်ခုလည်း ဖြစ် တယ်လို့ပညာရှင်တွေဆို ထားပါတယ်။ အပူက သွေးလှည့်ပတ်မှုကို ကောင်းမွန်စေနိုင်တာကြောင့် နာကျင်မှုဝေဒနာကို သက်သာစေနိုင်ပါတယ်။ ဒါပေမဲ့ နားကိုက်တဲ့အခါ ကြပ်ထုပ်ထိုးမယ့် အဝတ်ဟာ အရမ်းပူနေတာမျိုး မဖြစ်သင့်သလို နာကျင်နေတဲ့ နေရာတစ်ဝှိုက်ကို အားနဲ့ ဖိတာမျိုးကိုလည်း ရှောင်ကြဉ်သင့်တယ်လို့ သတိပေးထားပါတယ်။ နားကိုက်တဲ့ ဝေဒနာရဲ့ နောက်ဆက်တွဲအနေနဲ့ ကိုယ်အပူချိန် ၁ဝ၂ ဒီဂရီ ထက်ကျော်လာမယ်၊ သာမန် အကိုက်အခဲပျောက်ဆေးတွေ သောက်သုံးရုံနဲ့လည်း နာကျင်တာက မသက်သာသေးဘူးဆိုရင်တော့ သက်ဆိုင်ရာ ဆရာဝန်နဲ့ တိုင်ပင်ကုသပါလို့ ကျွမ်းကျင်ပညာရှင်တွေ အကြံပေးထားပါတယ်။

ဆံပင်အခြောက်ခံစက်
အကယ်၍ သင့်ရဲ့နားကိုက်ဝေဒနာက နားထဲရေဝင်ခြင်းရဲ့ နောက်ဆက်တွဲ ပြဿနာတစ်ခုလို့သင်ယူဆပါသလား ။ဒါဆို ဆံပင်ခြောက် အောင် လေမှုတ်ပေးတဲ့ ကိရိယာက သင့်ပြဿနာအတွက် အဖြေဖြစ်လာနိုင်ပါတယ်။ မကြာခဏ ရေကူးလေ့ရှိတဲ့သူတွေဟာ နားထဲရေဝင်ပြီးနောက် ရောဂါပိုးကူးစက်ခံရတာကြောင့် နားကိုက်တဲ့ ဝေဒနာကို မကြာခဏ ခံစားရလေ့ရှိတတ်ပါတယ်။ ဒီလိုနားကိုက်ဝေဒနာ မဖြစ်အောင် ကြိုတင်ကာကွယ်ဖို့က နားအတွင်းပိုင်းတစ်လျှောက်ကို ခြောက်သွေ့အောင် ထားနိုင်ဖို့ပဲဖြစ်ပါတယ်။ ဒါကြောင့် ရေကူးပြီးတဲ့အခါ၊ ဒါမှမဟုတ် ရေချိုးပြီးနောက် လေမှုတ်ကိရိယာကို နားနဲ့ ၆ လက်မ မှ ၈ လက်မ အကွာအဝေးအတွင်းထားပြီး အပူချိန် အလယ်အလတ်ခန့်နဲ့ မှုတ်ပေးနိုင်ပါတယ်။ ဒီလိုနည်းနဲ့ နားထဲက ရေတွေကို ခြောက်သွေ့သွားစေနိုင်ပြီး ပိုးဝင်ခြင်းကို ကာကွယ်နိုင်ပါတယ်။ ဒါပေမဲ့ အထက်မှာ ပြောခဲ့ပြီးသလို နားဟာ သင့်အကြားအာရုံအတွက် အလွန်အရေးကြီးတဲ့ အင်္ဂါအစိတ်အပိုင်းတစ်ခုဖြစ်လို့ နားမှာ ရောဂါဖြစ်လာတဲ့အခါမှာ ဝေဒနာကြီးသည်ဖြစ်စေ၊ ငယ်သည်ဖြစ်စေ မပေါ့ဆသင့်ပါဘူး။  သက်ဆိုင် ရာ ဆရာဝန်နဲ့ ပြသတိုင်ပင်ပြီး သင့်တော်မှန်ကန်တဲ့ ကုသမှုကို စနစ်တကျ ခံယူဖို့လိုအပ်ပါတယ်။
Ref ; Reader’s Digest