အဝလွန်ခြင်းကို ကာကွယ်နိုင်မယ့် ရိုးရှင်းတဲ့ နည်းလမ်း ၆ ချက်

အဝမလွန်အောင် ဘယ်လိုနေထိုင်ရမလဲလို့ မေးလာတဲ့အခါ အစားလျှော့စားပါဆိုတာက လူတိုင်း ပထမဆုံးတွေးမိတဲ့ အဖြေဖြစ်ကောင်း ဖြစ်နိုင်ပါတယ်။ ဒါပေမဲ့ အစားလျှော့စားတဲ့နည်းလမ်း တစ်မျိုးတည်းနဲ့ ကိုယ်အလေးချိန်လျှော့ချဖို့ မလွယ်ကူတာကိုလည်း လူတိုင်းနီးပါး သိထားကြပါတယ်။ ကိုယ်အလေးချိန်လျော့ချဖို့ လေ့ကျင့်ခန်းတွေ အပြင်းအထန်လုပ်၊ အစားအသောက် ဆင်ခြင်ရတာက ခက်ခဲတဲ့ အလုပ်တစ်ခုဖြစ်ပြီး ကိုယ်ရဲ့စိတ်ပိုင်းဖြတ်ထားမှုအပေါ် မူတည်ပြီး အချိန်ကာလတစ်ခု ကြာနိုင်ပါတယ်။ ကိုယ်လိုချင်တဲ့၊ ကျန်းမာရေးအတွက် သင့်တော်တဲ့ ခန္ဓာကိုယ်အလေးချိန်ရရှိအောင် ကြိုးစားပြီးနောက် အဆိုပါ ကိုယ်အလေးချိန်ထက် ထပ်မတက်လာအောင် ထိန်းသိမ်းရတော့မယ့် အလုပ်ကတော့ ကိုယ်အလေးချိန် လျော့ချရတဲ့အလုပ်ထက် ပိုခက်ခဲပြီး ကိုယ်တစ်သက်လုံး လုပ်သွားရတော့မယ့် အလုပ်တစ်ခုဖြစ်လာပါတယ်။ ဒီအချိန်မှာ အစားလျှော့စားတဲ့နည်းလမ်းကလည်း ရေရှည်အတွက်အသုံးမဝင်နိုင်တော့ပါဘူး။ ဒါပေမဲ့ ပညာရှင်တွေ သုတေသန နဲ့ လေ့လာစောင့်ကြည့်မှုတွေ ပြုလုပ် ပြီးနောက် အဝမလွန်ဘဲရေရှည် ကိုယ်အလေး ချိန်ထိန်းသိမ်းနိုင်ဖို့ သိပ်မခက်ခဲဘဲ လူတိုင်းလုပ်ဆောင်နိုင်မယ့် နည်းလမ်းတွေကို တွေ့ရှိလာပါတယ်။ အဆိုပါနည်းလမ်းတွေကို အဝလွန်ခြင်းကို ကာကွယ်နိုင်မယ့် ရိုးရှင်းတဲ့ နည်းလမ်း ၆ ချက်လို့ အမည်ပေးထားပါတယ်။

(၁) မနက်စာ အမြဲတမ်းစားပါ
မနက်စာ မစားတာက သင့်ရဲ့ ကျန်းမာရေးအတွက် အလွန်ဆိုးရွားတဲ့ အပြုအမူတစ်ခုလို့ ပညာရှင်တွေ ဆိုပါတယ်။ တစ်ချို့က ညနေစာ မရှောင်နိုင်တာကြောင့် မနက်စာမစားတာက ကယ်လိုရီလျှော့ပြီးသား ဖြစ်စေတယ်လို့ သတ်မှတ် ပြီး မနက်စာကို အထူးတလည် စားဖြစ်အောင် မကြိုးစားကြတာလည်းရှိပါတယ်။ ဒါပေမဲ့ မနက်စာ စားလိုက်တာက တစ်နေ့တာလုံးမှာ စားသုံးဖြစ်မယ့် ကယ်လိုရီပမာဏကို နည်းသွားစေနိုင်တယ်လို့ ပညာရှင်တွေ ထောက်ပြထားပါတယ်။ အမေရိကန်နိုင်ငံက ကျန်းမာရေးနဲ့ အာဟာရဆိုင်ရာ စစ်တမ်းကောက်ယူပြီးနောက် မနက်စာ ပုံမှန်စားတဲ့ အမျိုးသားတွေဟာ မနက်စားမစားတဲ့ အမျိုးသားတွေထက် ကိုယ်အလေးချိန် ၆ ပေါင်ခန့် ပို နည်းနေတာကို တွေ့ရှိခဲ့ပြီး အမျိုးသမီးတွေမှာ တော့ မနက်စားစားတဲ့သူတွေက မစားတဲ့သူတွေထက် ကိုယ်အလေးချိန် ၉  ပေါင် ပိုနည်းတာကို တွေ့ရှိခဲ့တယ်လို့ ဆိုပါတယ်။ ဆယ်ကျော်သက် မိန်းကလေးပေါင်း ၂၄ဝဝ ပါဝင်ပြီး ၁ဝ နှစ်ကြာ ပြုလုပ်ခဲ့တဲ့ လေ့လာမှုတစ်ခုအရလည်း မနက်စာစားတဲ့ မိန်းကလေးတွေရဲ့Body Mass Index(BMI)က မနက်စာမစားတဲ့ မိန်းကလေးတွေထက် လျော့နည်းတာကိုတွေ့ရှိခဲ့ရတယ်လို့ ဆိုထားပါတယ်။ ဒါကြောင့် ကိုယ်အလေးချိန်မတက်အောင် နေထိုင်နိုင်မယ့် အရိုးရှင်းဆုံးနည်းလမ်းများထဲမှ တစ်ခုက မနက်စား အမြဲတမ်း စားသုံးပေးရမယ့် နည်းလမ်းပဲဖြစ်ပါတယ်။ 

(၂) အမျှင်ဓာတ်ပါဝင်အောင်စားပါ
မြန်မာလူမျိုးတွေလို ထမင်းအဓိက စားသုံးတဲ့ လူများအတွက်တော့ သတင်းကောင်းပါပဲ။ နေ့လည်စာကို အမျှင်ဓာတ်ပါဝင်အောင် စားသုံးပေးခြင်းက  ကိုယ်အလေးချိန်မတက်အောင် ထိန်းနိုင်မယ့် အကောင်းဆုံးနည်းလမ်းတစ်ခုဖြစ်ပြီး ဆန်က ချက်ထားတဲ့ ထမင်းမှာ အမျှင်ဓာတ်ပါဝင်ပြီးသား ဖြစ်ပါတယ်။ ထမင်းဖြူမှာတော့ အမျှင်ဓာတ် ပါဝင်မှုနည်းပေမဲ့ ဆန်လုံးညိုနဲ့ ချက်ထားတဲ့ ထမင်းမှာတော့ အမျှင်ဓာတ်ပါဝင်မှု များပြားတာကြောင့် ဆန်လုံးညိုကိုစားပေးနိုင်ရင်တော့ ပိုကောင်းပါ
တယ်။ အမျှင်ဓာတ်ပါဝင်တဲ့ အစားအစာတွေကို အစာချေဖျက်ဖို့ အချိန်ယူရပြီး၊ သွေးတွင်းသကြားဓာတ်ပမာဏကို တည်ငြိမ်အောင် ထိန်းထားပေး နိုင်တာကြောင့် မကြာခဏ ဗိုက်ဆာလာတာမျိုး မဖြစ်အောင်လည်း တားဆီးပြီးသား ဖြစ်စေပါတယ်။ ပဲတစ်မျိုးမျိုး နဲ့ အသီးအရွက်ကြော် တစ်မျိုးမျိုးကိုလည်း နေ့လည်စာမှာ ထည့်သွင်းစားသုံးပေးသင့်ပြီး ဒါက ညနေပိုင်းမရောက်ခင် ဗိုက်ပြန်ဆာလာပြီး အချိုနဲ့ သရေစာတွေ စားမိတဲ့အဖြစ်က ကာကွယ်ပြီးသားဖြစ်သွားစေပါတယ်။ ဆန်က 
ကောက်နှံအုပ်စုဝင်ဖြစ်တာကြောင့် Maganesium ၊ ဗီတာမင် B6 စတဲ့ အဟာရဓာတ်တွေကိုလည်း ရရှိနိုင်ပြီး အဆိုပါ အာဟာရဓာတ်တွေက ကိုယ်အလေးချိန်လျှော့ချဖို့ အစာရှောင်နေတဲ့ သူတွေမှာ ချို့တဲ့နေလေ့ရှိတဲ့ အာဟာရဓာတ်တွေ ဖြစ်ပါတယ်။ ဒါကြောင့် ကိုယ်အလေးချိန်မတက်အောင် သင်လုပ်ဆောင်ရမယ့် နောက်ထပ်ရိုးစင်းတဲ့ နည်း လမ်းက နေ့လည်စာကို အမျှင်ဓာတ်ပါဝင်အောင် စားသုံးပေးတဲ့နည်းလမ်းဖြစ်ပါတယ်။

(၃) အသီးအနှံ နဲ့ အစိမ်းရောင်အရွက်တွေစားပါ
နောက်ထပ် နည်းတစ်ခုကတော့ အသီးအနှံနဲ့ အစိမ်းရောင်အရွက်တွေကို များများစားပေး တာပဲဖြစ်ပါတယ်။ ဥနီ၊ သခွားသီး၊ ပန်းပွင့်စိမ်း၊ ဆလပ်ရွက် စတဲ့ အသီးအနှံနဲ့ အရွက်တွေမှာ ကယ်လိုရီ မပါသလောက်နည်းပြီး ရေဓာတ်နဲ့ အစာချေဖျက်ဖို့ အချိန်ယူရတဲ့ အမျှင်ဓာတ် ကြွယ်ဝစွာပါဝင်တာကြောင့် စားသုံးပြီးနောက် အချိန်ကြာကြာ ဗိုက်ပြည့်နေစေနိုင်ပြီး သင့်ရဲ့ အစားစားလိုစိတ်ကို ထိန်းချုပ်ပြီးသား ဖြစ်စေပါတယ်။ အသီး အနှံနဲ့ အရွက်တွေမှာ ဗီတာမင် C ၊ ဗီတာမင် E ၊ 
Folate နဲ့ carotenoids  စတဲ့ ဗီတာမင်နဲ့ အာ ဟာရဓာတ်တွေ ပါဝင်လေ့ရှိပြီး အဆိုပါ ဗီတာမင်နဲ့ အာဟာရဓာတ်တွေကြောင့် သင့်ရဲ့ အလုံးစုံသောကျန်းမာရေးကိုပါ တဖြည်းဖြည်းတိုးတက်ကောင်းမွန်လာစေနိုင်ပါသေးတယ်။ 

(၄) ပရိုတိန်းဓာတ်ပါဝင်အောင်စားပါ
ရေရှည် ကိုယ်အလေးချိန်ထိန်းသိမ်းဖို့ စဉ်းစားနေသူတွေအတွက် ပရိုတိန်းများများစားပြီး ကာဘိုဟိုက်ဒြိတ်ကိုလျှော့ပြီး စားသုံးတဲ့နည်းလမ်းက သိပ်ပြီး အံဝင်ခွင်ကျ မဖြစ်နိုင်ဘူးလို့ ပညာရှင်တွေ သတိပေးထားပါတယ်။ ပရိုတိန်းများများ၊ ကာဘိုဟိုက်ဒြိတ် နည်းနည်းစားသုံးတဲ့ နည်းက အချိန်တိုအတွင်း ကိုယ်အလေးချိန် သိသိသာသာကျသွားနိုင်တာမှန်ပေမဲ့ ရေရှည်မှာတော့ အဆိုပါနည်းလမ်းက အကျိုးမရှိဘူးလို့ ဆိုပါတယ်။ ဒါပေမဲ့ ကိုယ်အလေးချိန်ထိန်းဖို့ အစားအသောက်ကို စနစ်တကျစားသုံးနေတဲ့အခါမှာ ပရိုတိန်းဓာတ် လုံလုံလောက်လောက်ရရှိထားခြင်းက ကြွက်သား တွေမလျော့ဘဲ အဆီတွေလျော့သွားဖို့ အထောက်အကူပြုပါတယ်။ ဒါကြောင့် လုံလောက်တဲ့ ပရို တိန်းဓာတ်ရရှိဖို့ အဆီနဲ့ ကယ်လိုရီပါဝင်မှုနည်းတဲ့ ငါး၊ ကြက်သားနဲ့ ပဲတို့ကို ရွေးချယ်စားသုံးပါလို့ ပညာရှင်တွေအကြံပြုထားပါတယ်။ ဒါပေမဲ့ ပရိုတိန်း ဓာတ်ကို လိုတာထပ်ပိုပြီး မစားသုံးမိအောင် သတိထားဖို့အကြံပြုထားပြီး ပရိုတိန်းဓာတ်လွန်ကဲစွာ စားသုံးခြင်းက ရေရှည်မှာ ဆီးချို နဲ့ ကျောက်ကပ်ပြဿနာတွေ ဖြစ်ပေါ်လာနိုင်တယ်လို့ သတိ ပေးထားပါတယ်။ ကိုယ်အလေးချိန်ကျဆင်းစေဖို့နဲ့ ရေရှည်အတွက် အဝမလွန်အောင် သင်လိုက်နာရမယ့် နောက်ထပ် နည်းလမ်းတစ်ခုက “ပရိုတိန်းဓာတ်ပါဝင်အောင်စားပါ၊ ပရိုတိန်းဓာတ်အများကြီးမပါအောင်စားပါ” ဆိုတဲ့နည်းလမ်းပဲဖြစ်ပါတယ်။

(၅) အစေ့အဆန်တွေစားပါ
အစေ့အဆန်တွေ စားသုံးပေးတာက ကိုယ်အလေးချိန်ထိန်းသိမ်းဖို့ နောက်ထပ် သင်လုပ်ဆောင်နိုင်မယ့် ရိုးရှင်းလွယ်ကူလွန်းတဲ့ နည်းလမ်းတစ်ခုဖြစ်ပါတယ်။ အစေ့အဆန်တွေက အဆီဓာတ်ပါဝင်တာမှန်ပေမဲ့ များပြားလှစွာသော သုတေသန 
လုပ်ငန်းများ ပြုလုပ်ပြီးနောက် အစေ့အဆန်တွေ စားသုံးပေးခြင်းက ကိုယ်အလေးချိန်ကျဆင်းဖို့ အထောက်အကူဖြစ်စေနိုင်တာကို သက်သေပြနိုင်ခဲ့ပါတယ်။ အစေ့အဆန်တွေမှာ ပါဝင်တဲ့ ကျန်းမာရေးအတွက် အထောက်အကူပြုတဲ့ အဆီဓာတ် 
က စားသုံးပြီးနောက် ပြည့်ဝတင်းတိမ်တဲ့ ခံစားချက်ကို ဖြစ်စေနိုင်ပြီး၊ အစေ့အဆန်တွေမှာပါဝင်တဲ့ ပရိုတိန်းကို အစာချေဖို့ ကယ်လိုရီတွေကို စွမ်းအင်အဖြစ် အသုံးပြုရတာကြောင့် ကိုယ်အလေးချိန်ကျဆင်းစေဖို့ အထောက်ဖြစ်စေတာ ဖြစ်ကောင်းဖြစ်နိုင်တယ်လို့ ပညာရှင်တွေ ယုံကြည်ထားပါတယ်။ ဒါ့အပြင် အစေ့အဆန်တွေမှာ ပါဝင်တဲ့ အာဟာရဓာတ်တွေက ခန္ဓာကိုယ်ရဲ့ ကျန်းမာရေးကို တစ်ဖက်တစ်လမ်းက အထောက်အကူ ပြုနိုင်တာက အပိုဆုအနေနဲ့ သင်ရရှိမယ့် အကျိုး ကျေးဇူးဖြစ်ပါတယ်။ 

(၆) ကယ်လ်ဆီယမ်ဓာတ် လုံလောက်အောင် ရရှိပါစေ
စားသုံးလိုက်တဲ့ အစားအသောက်တွေမှာပါဝင်တဲ့အဆီတွေကို ချေဖျက်ပြီး အသုံးပြုလိုက်မလား၊ ခန္ဓာကိုယ်ထဲမှာ သိုလှောင်ထား မလားဆိုတဲ့ ဇီဝကမ္မ ဖြစ်စဉ်မှာ ကယ်လ်ဆီယမ်ဓာတ်လည်း ပါဝင်ကောင်းပါဝင်နေနိုင်တယ်လို့ ပညာရှင်တွေ 
ယူဆထားပါတယ်။ Fat Cell လို့ခေါ်တဲ့ ခန္ဓာကိုယ်ထဲက အဆီဆဲလ်တွေထဲမှာ ကယ်လ်ဆီယမ်ဓာတ် ပါဝင်မှု ပိုများရင် အဆိုပါအဆီတွေက လောင်ကျွမ်းဖို့ ပိုပြီးလွယ်ကူတယ်လို့ ဆိုပါတယ်။ နှိုင်းယှဉ်လေ့လာမှုတွေပြုလုပ်ပြီးနောက် ကယ်လ်ဆီယမ်ဓာတ်ပိုရရှိထားတဲ့သူတွေဟာ ကယ်လ်ဆီယမ် လုံလုံလောက်လောက် မရရှိထားသူတွေထက် ကိုယ်အလေးချိန်ကျဆင်းဖို့ ပိုလွယ်ကူတာကို တွေ့ရှိခဲ့ရတယ်လို့ ပညာရှင်တွေဆိုပါတယ်။ အဆီထုတ်ထားတဲ့ နို့နဲ့နို့ထွက်ပစ္စည်းကရတဲ့ ကယ်လ်ဆီ ယမ်က ပိုပြီး ကိုယ်အလေးချိန်ကျဆင်းစေတာ မှန်ပေမဲ့ ဘရိုကိုလီ ကဲ့သို့သော အသီးအရွက်နဲ့ ပြုပြင်ထားတဲ့ လိမ္မော်ရည်က ရရှိတဲ့ ကယ်လ်ဆီယမ်ဓာတ်မှာလည်း တူညီတဲ့ အာနိသင်ရှိတာကို တွေ့ရှိခဲ့ရတယ်လို့ ဆိုထားပါတယ်။ ဒါကြောင့် သင့်မှာ ကယ်လ်ဆီယမ်ဓာတ်ရရှိနိုင်မယ့် ရင်းမြစ်ကို စိတ်ကြိုက်ရွေးချယ်လို့ရမယ့် အခွင့်အရေးလည်း ရှိနေတယ်လို့ ဆိုရမှာဖြစ်ပါတယ်။ ဒါပေမဲ့ ဒီတွေ့ရှိချက်က လတ်တလောတွေ့ရှိထားတဲ့ တွေ့ရှိချက်ဖြစ်ပြီး သေချာတိကျတဲ့ ရလဒ်တွေ
အတွက် နောက်ထက်လေ့လာမှုတွေပြုလုပ်ဖို့ လိုအပ်နေပါသေးတယ်။ ဒါပေမဲ့ ကယ်လ်ဆီယမ်ဓာတ်က ကိုယ်အလေးချိန်ကျဆင်းဖို့ တစ်မျိုးတည်း အသုံးဝင်တဲ့ ဓာတ်တစ်မျိုးမဟုတ်ဘဲ အရိုးနဲ့သွားတွေ ကြံ့ခိုင်သန်မာဖို့နဲ့ ခန္ဓာကိုယ်ကျန်းမာဖို့ မရှိမဖြစ် လိုအပ်တဲ့ဓာတ်တစ်မျိုးဖြစ်တာကြောင့် သင်ရဲ့ အစားအသောက်တွေထဲမှာ ကယ်လ်ဆီယမ် ကြွယ်ဝတဲ့အစားအသောက်တွေ မပါမဖြစ် ပါဝင်အောင် ထည့်သွင်းစားသောက်ပေးရဦးမှာပဲ ဖြစ်ပါတယ်။  
Ref; 6 Simple Ways to Prevent Obesity, According to Science