အိပ်ပျော်စေမယ့် နည်းဗျူဟာ (၅) ချက်

သင်ညဘက်တွေမှာ အိပ်ပျော်ဖို့ ခက်ခက်ခဲခဲ ကြိုးစားနေရပါသလား။ အိပ်ပျော်ပေမဲ့ ခဏလေးနဲ့ နိုးလာပြီး ပြန်အိပ်လို့မရတဲ့ အခြေအနေမျိုး ကြုံတွေ့နေရပါသလား။ ဒါဆိုသင့်မှာ အိပ်မပျော်တဲ့ရောဂါ ဖြစ်ကောင်းဖြစ်နေနိုင်ပါတယ်။ Isomnia လို့ခေါ်တဲ့ အိပ်မပျော်တဲ့ ရောဂါမှာ လက္ခဏာ ၂ မျိုးရှိပါတယ်။ လုံးဝ အိပ်မပျော်တဲ့ အခြေအနေနဲ့ အိပ်မောကျဖို့ ခဲယဉ်းပြီး ပြန်ပြန်နိုးလာတတ်တဲ့ အခြေအနေ ၂ မျိုး ဖြစ်ပါတယ်။ တစ်ခါတစ်ရံမှာ နေရာအပြောင်းအလဲကြောင့်၊ ကျန်းမာရေးကြောင့် အိပ်မပျော်တဲ့ ညတွေရှိတတ်တာ သာမန်ဖြစ်လေ့ဖြစ်ထကိစ္စလို့ ဆိုနိုင်ပေမဲ့ သင့်ရဲ့ ညဘက်အိပ်မပျော်တဲ့ ပြဿနာက အချိန်ကြာလာပြီဆိုရင်တော့ သတိထားရမယ့် ကျန်းမာရေးပြဿနာတစ်ခု ဖြစ်လာပါပြီ။ အိပ်ချိန်လုံလောက်မှု မရှိခြင်းက သင့်ရဲ့ ကိုယ်ခံအားစနစ်ကို ထိခိုက်စေပြီး အခြားေ သာ နောက်ဆက်တွဲရောဂါများကိုလည်း ဖြစ်ပွား လာစေနိုင်ပါတယ်။ သင့်ရဲ့ အိပ်မပျော်နိုင်တဲ့ ဝေဒနာကို ကုစားဖို့ သင့်ရဲ့ အမူအကျင့်တွေကိုပါ ရေရှည်အတွက် ပြောင်းလဲပစ်လိုက်ဖို့ လိုအပ်ပါ လိမ့်မယ်။ အိပ်မပျော်တဲ့ညတွေ ကုန်ဆုံးသွားစေဖို့ သင်ပြုလုပ်နိုင်မယ့် နည်းဗျူဟာ (၅) မျိုးကို ဖော်ပြပေးချင်ပါတယ်။

(၁)    လမ်းလျှောက်ပါ
အကယ်၍ သင့်မှာအိပ်မပျော်တဲ့ ပြဿနာရှိ နေမယ်ဆိုရင် လေ့ကျင့်ခန်းပုံမှန်လုပ်ပေးခြင်းက ညဘက်မှာ ကောင်းကောင်းအိပ်ပျော်စေဖို့ အထောက်အကူပြုနိုင်တယ်လို့ ပညာရှင်တွေ ဆိုထားပါတယ်။ ပုံမှန်လေ့ကျင့်ခန်းလုပ်တယ်လို့ဆိုတဲ့အခါမှာ ပြင်းထန်တဲ့လေ့ကျင့်ခန်းတွေကိုလုပ်မှလို့ ဆိုလိုတာမဟုတ်ဘဲ နေ့လယ်နေ့ခင်းအားတဲ့အချိန် မိနစ် ၂၀ ခန့် လမ်းလျှောက်တာမျိုး လုပ်ရုံနဲ့လည်းတူညီတဲ့ အကျိုးကျေးဇူးရရှိနိုင်ပါတယ်။ ဖြစ်နိုင်ရင်တော့ နေ့အလင်းရောင်ရတဲ့ နေရာမျိုးမှာ နေရောင်နဲ့ ထိတွေ့ပြီး လေ့ကျင့်ခန်းပြုလုပ်ဖို့ ပညာရှင်တွေ တိုက်တွန်းထားပြီး သဘာဝ အလင်းရောင်နဲ့ထိတွေ့ပေးခြင်းက ခန္ဓာကိုယ်ရဲ့ အိပ်/ထ ဖြစ်စဉ်ကို ပုံမှန်လည်ပတ်စေဖို့ အကူအညီဖြစ်စေနိုင်တာကြောင့်လို့ ဆိုထားပါတယ်။ လေ့ကျင့်ခန်း ပြုလုပ်ချိန်နဲ့ အိပ်ရာဝင်ချိန်ကို အနည်းဆုံး ၃နာရီခန့် ခြားထားသင့်တယ်လို့လည်း ဆိုပါတယ်။ လေ့ကျင့်ခန်းပြုလုပ်ပြီးနောက် ခန္ဓာကိုယ်တွင်းက ဇီဝကမ္မဖြစ်စဉ်တွေ တိုးမြှင့်ဖြစ်ပျက်နေပြီး လူကို တက်ကြွနေစေတာကြောင့် အိပ်ရာဝင်ချိန်မှာ အိပ်ပျော်ဖို့ ပိုပြီးခဲယဉ်းစေပါလိမ့်မယ်။ 

(၂)    အိပ်ရာမ၀င်ခင် ရေနွေးနဲ့ ရေချိုးပါ
အိပ်ရာမ၀င်ခင် ၂ နာရီလောက် အလိုမှာ ရေခပ်နွေးနွေးနဲ့ ရေချိုးပေးခြင်းကလည်း နှစ်နှစ်ခြိုက်ခြိုက်အိပ်ပျော်စေဖို့ အထောက်အကူ ပြုပေးနိုင်ပါတယ်။ အကယ်၍ ကြိုက်နှစ်သက်မယ်၊ အလွယ်တကူလည်းရနိုင်မယ်ဆိုရင် လာဗန်ဒါ အဆီ အနည်းငယ်သုံးပြီး ရေချိုးပါလို့ ပညာရှင်တွေ အကြံပြုထားပါတယ်။ ဘာကြောင့်လည်းဆိုတော့ လာဗန်ဒါအဆီက ခန္ဓာကိုယ်ရဲ့ ကြွက်သားတွေကို ပျော့ပြောင်းစေပြီး စိတ်ကိုကြည်လင်စေနိုင်တာေ ကြာင့် အိပ်ပျော်ဖို့ ပိုပြီးလွယ်ကူစေပါလိမ့်မယ်။ 

(၃)    အိပ်ခန်းကအေးနေပါစေ
သင်ရေချိုးပြီးချိန်မှာ သင့်ရဲ့ ခန္ဓာကိုယ်ဟာ အိပ်စက်ဖို့ အသင့်အနေအထားဖြစ်အောင် ပြင်ဆင်တဲ့ အနေတဲ့ ကိုယ်အပူချိန်ကို တဖြည်းဖြည်းလျော့ကျလာစေအောင် လုပ်ဆောင်ပါလိမ့်မယ်။ သင်အိပ်မပျော်တာကပုံမှန် ဖြစ်ရမယ့် သင့်ရဲ့ကိုယ်အပူချိန် တဖြည်းဖြည်းမကျလာတာကြောင့်လည်း ဖြစ်ကောင်းဖြစ်နေနိုင်တာကြောင့် ပြင်ပအကူအညီကို လိုကောင်းလိုအပ်ပါလိမ့်မယ်။ အေးနေတဲ့ အိပ်ခန်းကအိပ်ချင်စိတ်ကို ပိုပြီးဖြစ်စေနိုင်၊ တစ်နည်းအားဖြင့် သင့်ကိုအိပ်ငိုက်လာစေ နိုင်ပါတယ်။ ဒါကြောင့် သင်ဟာအိပ်မပျော်တဲ့ ဝေဒနာကို ခံစားနေရတယ်ဆိုရင် သင်အိပ်စက်မယ့် အခန်းကိုအနည်းငယ်အေးနေအောင်ထားသင့်ပြီး အေးတဲ့ ဒေသတွေမှာ အပူပေးစက်ကိုအရှိန်လျော့ထားတာမျိုးဖြစ်စေ၊ ပူတဲ့ ဒေသမှာ လေအေးစက်ဖွင့်တာမျိုးဖြစ်စေ ပြုလုပ်နိုင်ပါတယ်။ စောင်ထူထူလေးလေးခြုံပြီး အိပ်ခြင်းကပိုပြီးနှစ်နှစ်ခြိုက် ခြိုက်အိပ်ပျော်စေနိုင်တယ်လို့လည်း သုတေသီတွေ ဆိုထားပါတယ်။ စောင်ထူထူလေးလေးခြုံပြီးအိပ်နိုင်ဖို့ သင့်အခန်းကအေးနေဖို့ လိုအပ်ပါတယ်။

(၄)    စိတ်ငြိမ်စေမယ့်ကိစ္စတစ်ခုခုလုပ်ပါ
ညမအိပ်ခင်မှာသင့်ရဲ့ ခန္ဓာကိုယ်ကိုရော စိတ်ကိုပါ ပိုပြီးသက်တောင့်သက်သာ ဖြစ်သွားစေမယ့် နည်းလမ်းတွေကိုရှာဖွေပြီး မိနစ် ၂၀ ခန့် လုပ်ဆောင်ခြင်းက အိပ်ပျော်သွားစေဖို့ အထောက်အကူ ပြုနိုင်ပါတယ်။ ဥပမာအကြောလျှော့တာ၊ တရား 
ထိုင်တာ၊ ဒိုင်ယာရီရေးတာ၊ ငြိမ့်ညောင်းတဲ့ သီချင်းတွေကို နားထောင်တာ၊ စာဖတ်တာ စတာတွေထဲက သင့်ရဲ့ ၀ါသနာနဲ့ ကိုက်ညီပြီးသင့်ရဲ့ စိတ်ကို ငြိမ်သက်စေမယ့် ကိစ္စတစ်ခုခုကို အိပ်ယာမ၀င်ခင် မိနစ် ၂၀ လောက် ညတိုင်းလိုလို ပုံမှန်လုပ်ပြီးမှ အိပ်ရာဝင်ကြည့်ပါ။ အိပ်ပျော်ဖို့ ပိုမိုလွယ်ကူလာပါလိမ့်မယ်။ 

(၅)    အိပ်ရာကထပါ 
အထက်ပါ နည်းတွေလုပ်ဆောင်ပြီး အိပ်ရာဝင်တာတောင်မှာ သင်အိပ်ပျော်ဖို့ ခက်ခဲနေတုန်းပဲလား။ ဒါဆိုရင် အိပ်ရာထဲမှာတလူးလူးတလွန့်လွန့် နဲ့ အိပ်မပျော်တဲ့ ဒုက္ခကိုမခံစားနေပါနဲ့။ အိပ်ရာဝင်ပြီး မိနစ် ၃၀ လောက်နေလို့မှ သင်အိပ်မပျော်သေးဘူးဆိုရင် အိပ်ရာထဲကထလိုက်ပါ။ သိပ်ပြီးမလှုပ်ရှားရတဲ့ ဥပမာ-စာဖတ်တာ၊ အ၀တ်တွေ ခေါက်နေတာစတဲ့ ကိစ္စတစ်ခုခုကို ပင်ပန်းပြီး အိပ်ငိုက်လာတဲ့အထိ လုပ်နေလိုက်ပါ။ ပြီးမှ ပြန်အိပ်ကြည့်ပါလို့ အိပ်စက်ခြင်းနဲ့ ပတ်သက်ပြီး အထူးကျွမ်းကျင်တဲ့ ပညာရှင်တွေ အကြံပြုထားပါတယ်။ နာမည်ကြီးစိတ်ပညာရှင်တစ်ဦး အိပ်မပျော်တဲ့ ဝေဒနာရှင်တွေကို တိုင်ပင်ကုသပေးရာမှာအသုံးပြုတဲ့ နည်းလမ်းတစ်ခုလည်း ရှိပါတယ်။ သူ့ရဲ့ လူနာတွေကို အမုန်းဆုံးအိမ်မှုကိစ္စတစ်ခုကိုမေးပြီးအိပ်မပျော်၊ မျက်စိကြောင်တိုင်း အဆိုပါ အလုပ်ကိုအိပ်ချင်တဲ့ စိတ်မပေါ်လာမချင်း ပြုလုပ်ဖို့ သူကတိုက်တွန်းလေ့ရှိပါတယ်။ လူနာတွေဟာ အိပ်မပျော်ဘဲမျက်စိကြောင်နေတဲ့ အချိန်တိုင်းသူတို့မုန်းတဲ့ အလုပ်ကိုလုပ်ရတာကြောင့် နောက်ပိုင်းမှာ ငြီးငွေ့လာပြီး အိပ်မပျော်တဲ့ အချိန်၊ အလုပ်လုပ်ရမယ့်အကြောင်း တွေးလိုက်တာနဲ့ အိပ်ချင်စိတ်ပေါ်လာပြီး အိပ်ပျော်သွားကြတယ်လို့ သူ့ရဲ့ စာအုပ်တစ်အုပ်မှာ ရေးသားထားပါတယ်။

ဒီအခြေအနေတွေကို ဖြတ်ကျော်ပြီးလို့မှ သင် အိပ်မပျော်သေးဘူးဆိုရင်တော့ ဆရာဝန်နဲ့ တိုင်ပင်ပြီးသင့်ရဲ့ အိပ်မပျော်တဲ့ရောဂါကို ကုသရတော့မယ့်အချိန်ကို ရောက်နေပြီလို့ ဆိုရတော့မှာပါ။ သင့်ရဲ့ အိပ်မပျော်တဲ့ ဝေဒနာကို ကုစားဖို့ 
လက်လှမ်းမီရာ ဆေးဝါးများကို အားမကိုးဖို့လည်း ပညာရှင်တွေ အလေးအနက် သတိပေးထားပါတယ်။ အိပ်မပျော်တဲ့ ရောဂါကိုကုသတဲ့ ဆေးဝါးအများစုဟာ တားမြစ်ဆေးဝါးများဖြစ်ပြီး ဆရာဝန်ညွှန်ကြားချက်နဲ့သာ သောက်သုံးသင့်တဲ့ ဆေးဝါး
များဖြစ်တာကြောင့် သင့်ရဲ့ အခြေအနေကို တတ် ကျွမ်းတဲ့ ဆရာဝန်နဲ့ ပထမဆုံးတိုင်ပင်ဆွေးနွေး သင့်တယ်လို့ အကြံပြုလိုပါတယ်။
Ref ;    Ways to Cure Insomnia