အားပြည့်ကျန်းမာ နံနက်စာ

နေ့သစ်တစ်နေ့ကို ခွန်အားအပြည့်နဲ့ စတင်နိုင်ဖို့ အရေးကြီးတဲ့နံနက်စာကို အရသာအာဟာရ ပြည့်ပြည့်၀၀နဲ့ သုံးဆောင် နိုင်ဖို့ ဖန်တီးကြရအောင်။ ဒီနေရာမှာ အစားရွေးတဲ့ ကလေးလေးတွေအတွက် စိတ်ညစ်ရတဲ့ မေမေအိမ်ရှင်မတို့အတွက်လည်း အဆင်ပြေအောင် အာရှရဲ့ထိပ်တန်းနံနက်စာတွေထဲက ကလေးတွေလည်း နှစ်သက်မယ့် စတိုင်လ် ၅ မျိုးကို ရွေးချယ်ထားပါတယ်။ ပြုလုပ်ရမြန်ဆန်လွယ်ကူသလို ရနံ့လေးရရုံနဲ့တင် စားချင်စဖွယ်ဆွဲဆောင်နိုင်ပြီး ကျန်းမာရေးနဲ့ ညီညွှတ်မျှတဲ့ နံနက်စာတွေကို လေ့ လာကြည့်ပါဦးနော်။

မန်ဒရင်းပန်ကိတ်

ဘဲကင်နဲ့ တွဲဖက်သုံးဆောင်လေ့ရှိတဲ့ မန်ဒရင်းပန်ကိတ်ဟာ ကလေးလူကြီးအားလုံး အကြိုက်တွေ့မယ့် နံနက်စာပါ။ ဇီဇာ ကြောင်တဲ့ ဘေဘီလေးတွေတောင် မေမေကိုယ်တိုင်လုပ်ကျွေးမယ့် မန်ဒရင်းပန်ကိတ်ကို ခေါင်းမဖော်တမ်းစားကြမှာ သေချာပါ တယ်။

ပါဝင်ပစ္စည်း

ဂျုံမှုန့်                             - ပန်းကန်လုံး ၂ လုံး

ရေနွေးဆူဆူ                    - ပန်းကန်လုံး ၁ လုံး

နှမ်းနက်ဆီ                      - စားပွဲတင်ဇွန်း ၁ ဇွန်းခွဲ

ဆား                              - အနည်းငယ်

ပြုလုပ်နည်း

ဇလုံကြီးကြီးတစ်ခုထဲမှာ ဂျုံမှုန့်တွေကိုရေနွေးနဲ့ သမအောင်မွှေပေးပြီး ဂျုံနှစ်ရလာတဲ့အခါ ဆန့်နိုင်ကျုံ့နိုင်ဖြစ်လာတဲ့အထိ ၃ မိနစ်ခန့် ကောင်းစွာနှယ်ပေးပါတယ်။ အဲဒီနောက် ဂျုံမုန့်ညက်ကိုဆွဲဆန့်ပြီး တစ်လက်မခွဲခန့်အထူရှိတဲ့ အပိုင်း ၁၆ ပိုင်းခန့် ညီညီညာ ညာရအောင် ဖြတ်လိုက်ပါတယ်။ တစ်ပိုင်းစီကို ဂျုံမှုန့်ခပ်ပါးပါးခင်းထားတဲ့ မျက်နှာပြင်ပေါ်မှာ ခြောက်လက်မလောက်အချင်းရှိတဲ့ အ၀ိုင်းပြားလေးတွေဖြစ်အောင် roller တစ်ခုနဲ့ လှိမ့်ပေးပါတယ်။

အပူချိန်တစ်ဝက်ကျော် တင်ထားတဲ့မီးဖိုပေါ်မှာ အိုးမကပ်တဲ့ဒယ်ပြားလေးကိုတင်ပြီး ဘရပ်ရ်ှနဲ့ ဆီသုပ်လိမ်းကာ ဂျုံပြားလေး တွေကို တင်ပေးပါတယ်။ မျက်နှာပြင်တစ်ဖက်ကို ၁ မိနစ်စီထားပြီး လှည့်ပေးရပါမယ်။ ဂျုံပြားလေးတွေ အားလုံးကျက်ပြီဆိုရင်တော့ မန်ဒရင်းပန်ကိတ်အိအိလေးတွေကို ဘဲကင်နဲ့ တွဲဖက်ပြီး ပူပူနွေးနွေးသုံးဆောင်နိုင်ပါပြီ။

မန်ဒရင်းပန်ကိတ်မှာ နှမ်းဆီကို အသုံးပြုထားတဲ့အတွက် သွေးထဲမှာ ကိုလက်စထရော ဖြစ်ပေါ်မှုကို အားမပေးတဲ့အပြင် ပရို တိန်း၊ ကာဗိုဟိုက်ဒရိတ်၊ ဆိုဒီယမ်၊ ကယ်လစီယမ်၊ အမျှင်ဓာတ်နဲ့ သံဓာတ်များကို ရရှိနိုင်မှာဖြစ်ပါတယ်။

ကြက်ဥကီးမား

နံနက်စာအတွက် ကြက်ဥရဲ့အရေးပါပုံကို သိထားပြီးဖြစ်တဲ့အလျောက် ကြက်ဥပါဝင်တဲ့ နံနက်စာကို မေ့ထားဖို့မသင့်ပါ။ ကြက်ဥကို ပြုတ်စားတာဟာ ကျန်းမာရေးအတွက် အသင့်တော်ဆုံးဖြစ်ပါတယ်။ ဒီစတိုင်လ်လေးကတော့ ကြက်ဥပြုတ်ကို ငြီးငွေ့မိတဲ့ တစ်ခါတစ်ရံမှာ အရသာအပြောင်းအလဲလေးဖြစ်စေဖို့ ရည်ရွယ်ပါတယ်။

ပါဝင်ပစ္စည်း

မြေပဲဆီ                          - စားပွဲတင်ဇွန်း ၁ ဇွန်း

ကြက်သွန်မြိတ်                 - ၃ ပင်(နုပ်နုပ်စဉ်း)

ကြက်သွန်ဖြူ (ကြီး)           - ၂ တက် (နုပ်နုပ်စဉ်း)

ချင်းခြစ်                          - ဇွန်းသေး ၂ ဇွန်းစာ

ပန်းငရုတ်ပွ                      - ၃ ခု ( dice လှီး)

ကြက်ဥ                           - ၄ လုံး (အကာ + အနှစ်)

ကြက်ဥ                           - ၈ လုံး (အကာသီးသန့်ယူ)

ပဲငံပြာရည်အကြည်            - စားပွဲတင်ဇွန်း ၂ ဇွန်း

ပဲပင်ပေါက်                      - ပန်းကန်လုံးတစ်လုံးစာ

ရွှေပဲသီး                          - ပန်းကန်တစ်လုံးစာ (လှီးဖြတ်ထား)

နှမ်းစေ့                           - စားပွဲတင်ဇွန်း ၁ ဇွန်း

ပြုလုပ်နည်း

ပထမဆုံးမီးဖိုကို အပူချိန် ၃၅၀ ဒီဂရီဖာရင် ဟိုက်ခန့်ထားပြီး မကပ်တဲ့ ဒယ်အိုးခပ်ကြီးကြီးတစ်လုံးကို အပူပေးပါတယ်။ အိုးပူ လာတဲ့အခါ ဆီထည့်ပြီး ကြက်သွန်မြိတ်၊ ချင်းနဲ့ ကြက်သွန်ဖြူ ဆီသတ်ပါတယ်။

၂ မိနစ်ကြာလောက် ဆီသတ်ပြီးတဲ့အခါ ပန်းငရုတ်ပွထည့်ပြီး ၃ မိနစ်လောက် မွှေပေးပါတယ်။

ပန်းကန်လုံးကြီးကြီးတစ်ခုထဲမှာ ကြက်ဥတွေကို ပဲငံပြာရည်ထည့်ခေါက်ပြီး အကြော်ဒယ်အိုးထဲကို ရောထည့်လိုက်ပါတယ်။ အပူချိန် အလယ်အလတ်လောက်နဲ့ ၈ မိနစ်ကနေ ၁၀ မိနစ်လောက်ထိထားပြီး ပဲပင်ပေါက်နဲ့ ရွှေပဲသီးတွေကို ထည့်ပါတယ်။ အပေါ် ယံမျက်နှာပြင်ကျက်လာပြီဆိုရင် နှမ်းစေ့လေးတွေဖြူးပြီး ပန်းကန်တစ်ချပ်မှာ လတ်လတ်ဆတ်ဆတ် ဆလပ်ရွက်၊ သခွားသီး၊ ခရမ်း ချဉ်သီးလေးတွေနဲ့ တွဲဖက်ပြင်ဆင်သုံးဆောင်နိုင်ပါပြီ။

တို့ဟူးမွှေကြော်

ကလေး၊ လူကြီးအများစု ကြိုက်နှစ်သက်ကြတဲ့ အစားအစာထဲမှာ တို့ဟူးပါပါတယ်။ ဒါကြောင့် နံနက်စာအတွက် ရွေးချယ် ထားတဲ့ တို့ဟူးကို ရိုးရိုးမကြော်ဘဲ စတိုင်လ်တစ်မျိုးတိုးပြီး မွှေကြော်လေး ကြော်ကြည့်လိုက်ရအောင်။

ပါဝင်ပစ္စည်း

တို့ဟူးပျော့ပျော့                            - ၆ အောင်စ (ပန်းကန်လုံးတစ်လုံးနှင့် လေးပုံတစ်ပုံခန့်)

ပန်းငရုတ်ပွ                                  - ပန်းကန်လုံးလေးပုံတစ်ပုံခန့် (small dice လှီး)

နို့                                              - စားပွဲတင်ဇွန်း ၂ ဇွန်း

ကြက်သွန်ဖြူငရုတ်သီးဆော့စ်           - စားပွဲတင်ဇွန်း ၂ ဇွန်း

ကောက်ရိုးမှို                                 - ၂ အောင်စ (ပန်းကန်လုံး ၁လုံးခန့်-ပါးပါးလှီး)

ကြက်သွန်မြိတ်                             - ၂ ပင် (ပါးပါးလှီး - အဖြူနှင့်အစိမ်းဖျော့အပိုင်းသာယူ)

တရုတ်နံနံ                                   -  စားပွဲတင်ဇွန်း ၁ ဇွန်းစာ (ပါးပါးလှီး)

ထောပတ်                                    - စားပွဲတင်ဇွန်း ၂ ဇွန်း

ကြက်ဥ                                       - ၆ လုံး

ဆား                                          - သင့်ရုံ

ပြုလုပ်နည်း

ပန်းကန်လုံးကြီးတစ်ခုထဲမှာ ကြက်ဥ၊ နို့၊ ကြက်သွန်ဖြူငရုတ်သီးဆော့စ်နဲ့ ဆားအနည်းငယ်ထည့်ပြီး ကြေအောင်ခေါက်ပေး ပါတယ်။

အကြော်ဒယ်အိုးကို မီးအပူရှိန် အလယ်အလတ်ပေးပြီး ထောပတ်ကိုပျော်စေပါတယ်။ ထောပတ်ပျော်ပြီးပွက်လာတဲ့အခါ အသင့်ပြင်ထားတဲ့ မှို၊ ပန်းငရုတ်ပွနဲ့ ဆားအနည်းငယ်၊ ငရုတ်ကောင်းမှုန့်အနည်းငယ်စီ ထည့်မွှေပါတယ်။

၁၀ မိနစ်ခန့်မွှေပေးပြီး အသီးအရွက်တွေပျော့ပျောင်းလာတဲ့အခါ တို့ဟူးနဲ့ ဆားအနည်းငယ် ထည့်မွှေပါတယ်။ ၃ မိနစ်မျှ ကြာတဲ့အခါ မီးအရှိန်ကို နည်းနည်းလျှော့ချလိုက်ပြီး ခေါက်ထားတဲ့ ကြက်ဥတွေကို ထည့်လိုက်ပါတယ်။ အိုးကိုဖြည်းဖြည်းချင်းမွှေပေး ပြီး ကြက်ဥအနည်းငယ်ကျက်လာတဲ့အခါ ကြက်သွန်မြိတ် ထည့်မွှေလိုက်ပါတယ်။ နောက်ထပ် ၂ မိနစ်လောက်အကြာမှာ တရုတ်နံနံ လေးတွေ ထည့်မွှေပြီး မီးဖိုကချကာ ပူပူနွေးနွေး ပြင်ဆင်နိုင်ပါပြီ။

နံနက်စာတို့ဟူးမွှေကြော်ကို ပေါင်မုန့်နဲ့ တွဲဖက်သုံးဆောင်လေ့ရှိသလို အီတလီခေါက်ဆွဲ မက်ခရွန်နီလေးတွေနဲ့ တွဲစားမယ် ဆိုရင်လည်း အကြိုက်တွေ့စေမှာ အမှန်ပါ။

ကန်စွန်းဥမျှင်ကြော်

ပရိုတင်း၊ ဘီတာကယ်ရိုတင်း၊ ဗီတာမင်စီ၊ ဗီတာမင်အီး၊ ပိုတက်စီယမ်နဲ့ အမျှင်ဓာတ် အစရှိတဲ့ ကောင်းကျိုးအာနိသင်တွေ ကြွယ်ဝတဲ့ ကန်စွန်းဥကို စားပြီးရင်းစားချင်၊ ခဏခဏစားချင်မယ့် အရသာသစ် ကန်စွန်းဥကြော်လေးအဖြစ် ဖန်တီးကြပါမယ်။

ပါဝင်ပစ္စည်း

ကန်စွန်းဥ (အမျှင်ခြစ်)                    - ပန်းကန်လုံး တစ်လုံးစာ

ကြက်သွန်နီ (ပါးပါးလှီး)                  - ပန်းကန်လုံး တစ်ဝက်ခန့်

သစ်တော်သီး (သို့)

ကြွပ်ကြွပ်ရွရွပန်းသီး(အမျှင်ခြစ်)        - ပန်းကန်လုံး လေးပုံတစ်ပုံခန့်

ကြက်ဥ                                       - ၁ လုံး

ဂျုံမှုန့်                                         - ၁ အောင်စခွဲခန့်

ဆား                                          -သင့်ရုံ

ပဲဆီ                                           - အစိတ်သားခန့်

ငရုတ်ကောင်းမှုန့်                           - အနည်းငယ်

စမြိတ်ပင်                                    - အနည်းငယ်

ဆိတ်နို့ဒိန်ခဲ                                 - စိတ်ကြိုက်

ပြုလုပ်နည်း

ပန်းကန်လုံးကြီးတစ်လုံးထဲမှာ အမျှင်ခြစ်ထားတဲ့ ကန်စွန်းဥ၊ ကြက်သွန်နီ၊ သစ်တော်သီးများကိုထည့်ကာ ဆားအနည်းငယ် ထည့်ပြီး သမအောင်မွှေပေးပါတယ်။ ပြီးလျှင်လက်တစ်ဆုပ်စာစီယူပြီး အရည်ညှစ်ထုတ်ပစ်ပါတယ်။

ကြက်ဥနဲ့ ဂျုံမှုန့်ကို ပန်းကန်လုံးတစ်ခုမှာ ရောခေါက်ထားပါတယ်။

ဒယ်အိုးကြီးကြီးတစ်လုံးမှာ ဆီများများထည့်ပြီး အပူပေးပြီး ဆီပူလာတဲ့အခါ အသင့်ပြင်ထားတဲ့ ကန်စွန်းဥခြစ်ကို ဂျုံနဲ့ကပ်ပြီး ထည့်ကြော်ပေးပါတယ်။ အထက်အောက်လှန်ကြော်ပေးပြီး နှစ်ဖက်စလုံး ရွှေအိုရောင်သန်းလာတဲ့အခါ ဆယ်ယူဆီစစ်ထားလိုက်ပါ တယ်။

ကန်စွန်းဥတွေ အားလုံးကြော်ပြီးသွားပြီဆိုရင်တော့ စမြိတ်ပင်လေးနဲ့တွဲဖက်ပြီး ပုံမှန်စားနေကျအတိုင်း မန်ကျည်းသီးဆော့စ် လေးနဲ့ပဲစားစား၊ အပြောင်းအလဲလေးဆန်းသစ်ချင်လို့ ဆိတ်နို့ဒိန်ခဲလေးနဲ့ပဲတွဲစားစား အရသာတွေ့မှာ သေချာပါတယ်။

သစ်သီးအဆာသွတ်ပေါင်မုန့်

မုန့်ကြိုက်တဲ့ သားသားမီးမီးတွေအတွက် ကိုယ်တိုင်မုန့်လုပ်ကျွေးချင်တဲ့ မေမေတို့အတွက် ငှက်ပျောသီးအစာသွပ်ပေါင်မုန့် လုပ်နည်းလေးလည်း ဖော်ပြလိုက်ပါတယ်။ ငှက်ပျောသီးနေရာမှာ ကြိုက်နှစ်သက်ရာ သစ်သီးကိုအသုံးပြုနိုင်မယ့် လွယ်လွယ်ကူကူ မုန့်လုပ်နည်းလေး ဖြစ်ပါတယ်။

ပါဝင်ပစ္စည်း

ဂျုံမှုန့်                                         - ပန်းကန်လုံး ၁ လုံးခွဲ

မုန့်ဖုတ်ဆိုဒါ                                 - ဇွန်းသေး ၁ ဇွန်း

မုန့်ဖုတ်ပေါင်ဒါ                              - ဇွန်းသေး ၁ ဇွန်း

ဆား                                          - ဇွန်းသေးတစ်ဝက်ခန့်

ငှက်ပျောသီး                                - ၃ လုံး (ချေထား)

သကြား                                      - ပန်းကန်လုံး လေးပုံသုံးပုံ

ကြက်ဥ                                       - ၁ လုံး (မကြေတကြေခေါက်)

ထောပတ်ဆီ                                - ပန်းကန်လုံး ၃ ပုံ ၁ပုံ

မုန့်ပေါ်တွင် ဖြူးရန်သကြားခဲအညို

ဂျုံမှုန့်                                         - စားပွဲတင်ဇွန်း ၁ ဇွန်း

သစ်ကြံပိုးခေါက်မှုန့်                        - အနည်းငယ်

ဒိန်ခဲ                                          - စားပွဲတင်ဇွန်း ၁ ဇွန်းစာ

နှစ်သက်ရာအစေ့အဆန်တစ်မျိုး        - စိတ်ကြိုက် (လေးစိတ်ကွဲထောင်း)

ပြုလုပ်နည်း

ခပ်ပန်းကန်လုံးကြီးကြီးတစ်ခုမှာ ဂျုံမှုန့်၊ မုန့်ဖုတ်ဆိုဒါ၊ မုန့်ဖုတ်ပေါင်ဒါနဲ့ ဆားအနည်းငယ်ထည့်ပြီး သမအောင်မွှေပါတယ်။ ငှက်ပျောသီး၊ သကြား၊ကြက်ဥနဲ့ ထောပတ်ဆီတို့ကိုပါ ထည့်လိုက်ပြီး မုန့်နှစ်စိုစိုလေးဖြစ်လာတဲ့အထိ မွှေ ပေးပါတယ်။

မုန့်အပေါ်ယံမှာဖြူးဖို့အတွက် အစေ့အဆန်၊ သကြားခဲအညို၊ သစ်ကြံပိုးခေါက်မှုန့်နဲ့ ဂျုံမှုန့်တွေကို ရောမွှေထားပါတယ်။

မုန့်နှစ်ရလာတဲ့အခါ မုန့်ခွက်လေးတွေထဲထည့်ပြီး ရောမွှေထားတဲ့ အစေ့အဆန်လေးတွေကို မုန့်တစ်ခွက်ချင်းစီပေါ်မှာ ဖြူး လိုက်ပါတယ်။ ဒိန်ခဲကိုလည်း ပေါင်မုန့်စလေးများလိုချေပြီး မုန့်အပေါ်ယံမှာအနည်းငယ်စီ ဖြန့်ခင်း ပေးလိုက်ပါတယ်။

အားလုံးပြီးပြီဆိုရင်တော့ မုန့်ခွက်လေးတွေကို အပူချိန် ၃၇၅ ဒီဂရီဖာရင်ဟိုက်မှာ မိနစ် ၂၀ ခန့်ထည့်ထားနိုင်ပါပြီ။ ဒီနေရာ မှာ ရေထည့်စရာမလိုဘဲ မုန့်ဖုတ်လို့ရတဲ့ပေါင်းအိုးမျိုးနဲ့လည်း အလွယ်တကူပြုလုပ်နိုင်ပါတယ်။ အချိန်စေ့လို့ မုန့်သားကျက်တဲ့အခါ ၁၀ မိနစ် လောက်အအေးခံပြီး ပူပူနွေးနွေးလေး သုံးဆောင်နိုင်ပါပြီ။